Lukga 12:37 - Winnebego Bible Portions 1907

³⁷ Wogishawairekjanena ware de‐e, e hungra jaja kirianaga, hikinak’u‐hiegi. Hisgexjina hinigawina E hikipirakjegi egi minag‐wagigianaga waruj‐hirekjanena, egi huanaga wawagirekjanena.

Lukga 12:37 Referans Kwoze

Matthaiga 24:42

Esge hirakara‐uwine, inke hiraperesni‐harajena Hirukana hashiniwira howagix hajinja jikjanegi.

Johnga 12:26

Hisha waigirekjegi, hiroinaikjena, egi hajinja hauanjegi, eja hishge ware harnira unjekjanena. Egi hisha waigiregishi, Jajiga gish’aikjanena.

Lukga 21:36

Esge hirakara uwianje egi hoishib gikarajwiaje, e washinkisge ningikarab‐hirekjanihawina, hokishib washa de‐e herekjanega eja, egi washinkisge Wankshig‐hinigra jowehieja nanashikjanihawina.

Lukga 17:8

Jasgegi inke wagarninashe: Worujra hingikorohore, wahaijena, egi hipiragra hijowekaragianaga, egi waigirare, jaja wahaj‐arnaga egi rajga dushjangi, hageja waraijena egi sharajgankjena?

Lukga 12:43

Ware she‐e wogishawaxjijena, e hirukana harnira jaja kirigi shesge hijau hiegi.

Lukga 12:36

Egi wankshigra hung harninera hakarapenagra shesge hiwiaje, hinugkanag worujeja howakirikjanera, jaja kirianaga egi gikokhi, higuana giruhas‐hirekjege.

Lukga 22:27

Hajanga e xete harnakshe, hisha warujeja minaganagka, nigeshge wawagirajega? Inke e hereninashe hisha warujejananka? Egi horograwiregi hauanjena wawagire hikisge.