Lukga 12:28 - Winnebego Bible Portions 1907

²⁸ Egi Maura xawinagre waini shesge wagiuna, e hamb de‐e maneginagre, egi hainigi jhitakaj‐hi rogeja wot’urairanana, hiraijeraxji waini nigiuwina? Jowexjinig harnaxgu hashanagre.

Lukga 12:28 Referans Kwoze

Matthaiga 14:31

Egi higuana Jesus ara wajigre‐hianaga egi harukosshana, egi wagena: Harnaxgu xununig ranigaja, jagu‐u khibarashe.

Matthaiga 17:20

Egi Jesus wawagena: Inke harnanaxguwinige wauna. Hisgexjina hinigawina, harnaxgu hashiniwira mustard sura hisha hikisgexjingi xe‐de‐e waragawinana, hawinjeja hoixanane, egi gixananana, egi inke washara hisha nigijexi‐wininana.

Matthaiga 6:30

Maura xawi maxreginagre waini shesge wagiunjegi, e hamb de‐e shesgarnaganaga, egi hainigi jhitakajhi rogeja wot’unairanana, inke de‐shesge hiraijera waini ningiuwininashe? Jowexjinig harnaxgu hashanagre.

Lukga 8:25

Egi wawagena: Harnaxgu hashiniwira jasgehishe? Egi naxirairena, khorairena, wakigairena: Peshe de‐e hereguni? E maintajehira egi ninashge uwashira egi harnaxguinena?

Matthaiga 17:17

Egi Jesus horniharna egi wena: Inke harnaxguni wankshighoi egi wankshighoi hokixajanke raniwina, jajaixji hoja harnikishu hauwishe, jajaixji hoja harnini hauwishe? Hingarni huwire.

Matthaiga 16:8

Egi jaja Jesus de‐e wawiperesgi wawagena: Harnaxgu xununig raniwingaja, jagu‐u horakikit’e hashanakshe, inke waisgab‐duj hashinirajiwinigi?

Matthaiga 8:26

Egi wawagena: Jagu‐u nanaxisharawishe? Harnaxgu xununig raniwira. Egi nashina egi maintajehira najisgina egi tejara, egi hatagra rokana kirijena.