Lukga 12:11 - Winnebego Bible Portions 1907

¹¹ Egi jaja wohokhu‐hojhieja harniniahi rawigi egi woehieja egi washinukanainja, inke washinawinianje, jasgerakjanegi egi jagu worninagihakjanegi egi jagu hi’shekjanegi.

Lukga 12:11 Referans Kwoze

Lukga 12:22

Egi hironaghirera wawagena, esge wanigawina: Wankshighoi hashiniwira inke najge wokarajiwinine, jagu raijanihawigi, egi shige inke rora, jagu hoshawaxuikjanihawigi.

Matthaiga 23:34

Esge horuxujwire, prophetra egi wang‐wanaiksabra egi wowagax‐hiperesra huwanigigi‐kjanihawina, egi hota d’ewarawianaga egi nanamiheja waraisaraijanihawina egi hota wohokhuhojhi washiniwieja washa pahi wawiraipsinsh‐janihawina egi jhinagra hirakhiware wawiraishana nanash’inkjanihawina.

Matthaiga 6:25

Esge hinigawina, wankshig‐hoi hashiniwira inke najge wokarajiwinina jagu raijanihawigi, egi shige jagu sharajgankjanihawigi, egi shige ro washiniwira jagu hoshawaxuikjanihawigi. Jasge inke wankshig‐hoira e hiraijeranaga, warujra worujisnishe, egi rora e hiraijeranaga wainira e warujisnishe?

Matthaiga 6:27

Egi hajanga najge wornijiwishge hoserejra si‐hisha hijominagkhi ruxurugnashe?

Matthaiga 6:28

Egi jagu‐u wainieja najge‐wornijiwishe? Woruxujwire, Lili maxeja‐nagra hogura jasganagra e inke waraninankshana egi shige inke waini‐kik’uninankshana,

Matthaiga 6:31

Esge inke najge wojiwianaga wawinianje, jagu hirujanihawishe shige jagu hirajgankjanihawishe, egi shige jagu hinkikaix‐janihawishe.

Matthaiga 6:34

Esge inke najge wojiwinianje hainigi jasgekjanegi, hainigishi washara kikunkjanena. Hamb‐hishanga wak’ina hina hiuanjena.