Lukga 11:29 - Winnebego Bible Portions 1907

²⁹ Egi jaja wankshignanka stoxji hajiregi, E wajirena: Wankshighoi de‐e wowonk hiregaja, washa wijanti horninank, egi inke washa wijanti wogarnikjanena, eshi Jonas prophet woijanti harnira eshana wogakjanena.

Lukga 11:29 Referans Kwoze

Lukga 11:16

Egi hijanera hiunjarnakshana wangregi washa woijanti howajihi rogigunankshana.

Lukga 12:1

Waunaka eja jaja wankshigra hogihixete rohaxji stogi, harnakishi uinena, Jesus hironaghirera wawagena: Inke washinjahina hisha hikisgarnina hirakikarawiaje Pharisera winawohi harninera, hipokrisira herena.

Johnga 8:44

Hianjwarawiga waxopinishishig hirena, hianjwarawiga jagu roguinera, sh’u‐harajawina. E jeghojikere‐hieja wankshigd’ehina, egi inke wogisogra eja unijena, inke nige wogisogni jege esge. Jaja hit’et’ega ret’unk, e hit’et’era hik’unjena. Ret’unkeisherena, egi ret’unkera hianjhirena.

Johnga 6:30

Egi esge wagairena: Woijanti jaguisha sh’unkjaneshe, harnijawigishi egi harnanixguwinana, woshga jagu sh’unajeshe?

Johnga 2:18

Esge Judra hornihairena egi wagairena: Jaguisha wijanti hinagigikjanihawishe, washa de‐e sh’une?

Lukga 11:50

Prophetra harnaj wa‐i warninera managre jeg‐jinagreja wa‐i xuwahirena wankshighoi de‐e hirawairekjanena.

Lukga 9:41

Egi Jesus horniharna wena: Inke harnaxguniraniwina, egi wankshig hokixajanke raniwina, hojia jajaixji harnikishu hauwinguni, egi harninia’uwina? Hinigraga hakaranihure.

Markga 8:38

Higu peshe hiroigishikhi egi hoit’e warnira, de‐e wankshig‐hoi khikanagrushe raniwina egi wowong raniwina, Wankshig‐hinigra hishge wawirogishig‐gikjanena, jaja waxopiniwarajire wakanjangra wakishu Hianjra gloria harnieja gigi.

Matthaiga 3:7

Eshi jaja Pharisera egi Sadusera roha niwawaxu harnieja hahiregi, wawagena: Wakhan wankshighii‐harajane, peshe hornigiragwigaja howogitegra jikjanegi ragigiaswishe?