Lukga 11:15 - Winnebego Bible Portions 1907

¹⁵ Egi hota wairena: Waxopinishishigra jangra wowahasjane Be‐elsebub hiu waunjena waxopinishishig hungra.

Lukga 11:15 Referans Kwoze

Matthaiga 9:34

Eshi Pharisera wairena: Waxopinishishig jangra howahasjane waxopinishishig hung hiu waunjena.

Johnga 10:20

Egi roha wena: Waxopinishishig hisha harnijena, egi wanaxiowankjena, jagu‐u harnanaxgu‐harajeshe?

Johnga 8:52

Egi Judra wagairena: Shegunegi hiaperes‐wigaja waxopinishishig hisha hashinirajera. Abraham d’egaja, egi prophetra, egi hishena: Hisha hoit’e harnira hingiungi inke hot’e harajabenikjanena manegus.

Johnga 8:48

Egi Judra hornihairena egi wagairena: Inke phiwahawininashe Samarit‐wankshig‐ranina, egi waxopinishishig hisha hashinina?

Johnga 7:20

Wankshigra hornihairena egi wairena: Waxopinishishig hashinina, peshe waunjeshe d’eni‐nainakhi?

Matthaiga 10:25

Hinanankshana wagax‐hajara wawagaxhajawagigi harninera hikarakisgairegi, egi warera hirukana harninera hikarakisgairegi. Jhi‐hirukanara Beelsebub higairegi jasge hojhieja herera inke hiraijeraxji wawagairaninashe?

Matthaiga 4:24

Egi Siria mara harnaj hornaxguinena egi jarnaga howashara harnaj wagarni hahirena howasha hokirajra egi hotegjura, egi jarnaga waxopinishishig harninankhi, egi jarnaga wanaxi howankhi egi ro‐tegra egi harnaj rushjawahina.

Matthaiga 12:22

Egi hisha hagarni hahirena waxopinishishig harnineisha, hishjaraning egi iraning, egi rushjahina deshesge hina, hishjaningra egi iraningra hit’ete hianaga egi wajarna.