Lukga 11:13 - Winnebego Bible Portions 1907

¹³ Worniwank harajera reshge, ninkjang washiniwira washa phi wokarak’ura hirapereswina, Hianjrawiga wangreginagre hiraijeraxjinakshana Naxirag Wakanjangra wogakjanena jarnaga gitagi.

Lukga 11:13 Referans Kwoze

Matthaiga 7:11

Worniwank harajera reshge, ninkjank washiniwira washa phi wokarakura hiraperes‐harajena hiraijeraxjinakshana Hianjrawiga wangreginagre washa Phi wogarnankshana, jarnaga gitaga.

Johnga 4:10

Jesus horniharna egi wagena: Maura washa wogara hiraperesgishi, egi peshe warnagra hiraperesgi, ni‐rajgara hiskunk’une arnaka, hisgeragitagi, ni niambra hisge hornik’unana.

Hoixgara 2:38

Egi Peter wawagena: Najgera‐karategwire egi harnaj ni‐awaxuine‐khiwine Jesus Kristus rash harnira hiu, washa woishanara warnigit’unairekjanihawina, egi Naxirag Wakanjangra hornik’uinekjanihawina.

Matthaiga 6:14

Egi wankshigra washa hinigishana hirawigi waragit’usharawigi hishge wangregi Hianjrawiga‐nagre warnigit’unekjanihawina.

Matthaiga 6:32

Higu washa de‐e hirarujeja herera harnaj warogunankshana, egi Hianjrawiga hiperesnankshana washa de‐e wawishunkjanihawira.

Lukga 11:2

Egi E wawagena: Jaja Mau ragikarajwigi, wawiaje: Hianjniwira wangregishanagre, rash hashinira wakanjank nigigirekjena, hungma hashinira hiraijikjawina, woshga hashinira manegi uinekjena wangregi jasge hinankhi shesge manegi hirekjena,

Matthaiga 6:30

Maura xawi maxreginagre waini shesge wagiunjegi, e hamb de‐e shesgarnaganaga, egi hainigi jhitakajhi rogeja wot’unairanana, inke de‐shesge hiraijera waini ningiuwininashe? Jowexjinig harnaxgu hashanagre.

Matthaiga 5:45

Hianjrawiga wangreginagre E ninkjang harniniwinana, wi harnira wowongra egi phira haxeb‐wagigijena, egi nishu huwagigijena phira egi wowongra.

Matthaiga 5:16

Deshesge‐hiwire hohamb washiniwira wankshig jowehireja hatasha wakarakerewire, worephi washiniwira warnigija‐hirekjawina egi Hianjrawiga wangreginagre sharajangikjawina.

Hogusra 8:21

Egi Jehowa horupanana pana phira. Egi Jehowa najge harnieja wena: Inke shige hinupahana managre washoshishig howe harnikje wankshignagre eja hawau, wankshignagre najgewarninera wowewira shishig hirege, xununig hiregi epa. Inke shige washa niambra harnaj d’ewahara, shesge harnikje.

Lukga 11:12

Egi wanigijge tagi, skorpionra hisha hok’uiranashe?

Lukga 18:7

Egi jasgeshe Maura inke hiraijeraxji wagijiraninashe e waijanaga warnira, e hambga egi hahega giwarnagre, egi s’i wawigirus sirij‐janeshe?