Lukga 10:42 - Winnebego Bible Portions 1907

⁴² Eshi washaisha u‐phira, egi Maria hophinjega e gijana, e inke girus‐phinikjanena.

Lukga 10:42 Referans Kwoze

Johnga 4:14

Eshi hisha ni wak’ungi rajgangi e manegus inkaga iwusnikjanena, egi ni de‐e wak’ungi ma‐i hornashikjanena manegus wankshighoieja hosagikjanena.

Johnga 5:24

Hisgexjina, hisgexjina hinigawina, hisha hoit’e harnira naxgungi, egi hisha huingigira E harnaxgungi wankshighoi hisgeja unkjanena, egi inke washinohire howe hireja hinikjanena, eshi hot’era haixarnaga egi wankshighoi hisgeja unkjanena.

Lukga 18:22

Egi jaja Jesus washa de‐e naxgungi, wagena: Washaisha higu hinirujis‐rajena, washara jarnaga hashinigi wawikuruwine, egi wanajojaisgeja wawigiwenine, egi washa phira wangregi warakshu wash’unkjanena, egi hu‐arnaga hiroinagre.

Johnga 17:3

Egi de‐e wankshighoi hisgejara herena, hiniperes‐hiregi, Mau wogisogra neshana ninera, egi Jesus Kristus E huragigira.

Markga 8:36

Egi wangrisha managre harnaj ruxurugkhi jagu‐ophi howekjaneshe, egi naxirag earnira xawarnihigi?

Lukga 8:18

Esge hirakarauwine warnaxgura jasge rarajegi. Higu peshe washanijegi e hisge hok’uinekjanena, egi higu peshe inke washa junijegi, e girus‐hirekjanena e washa harnijeshe hireshge.

Lukga 12:20

Egi Maura wagena: Inke warnainijunina, hahe de‐e wankshghoi hashinira nigirus‐hirekjanena, egi washa storaga peshe warnikjaneshe?

Lukga 12:33

Jagu hashiniwingi, wikuruwiwine, egi wanajojaisgeja wawogawire, pa kik’uwianaga inkaga sh’agenikjena, washa jexira wangregi wakshuwire e inkaga horujisnikjena, eja inkaga wamanuke warus‐ruxurug‐hiranikjanena, egi shige inkaga wikiri washa‐waishgahiranikjanena.

Lukga 16:25

Eshi Abraham wena: Hinighaxji wewirehire wankshig‐shineja washa phira harnaj hashinina, egi hishge Lasarus washa shishig harnina, eshi shegunegi rukheghirena, egi harawena.

Lukga 16:2

Egi gigorna egi wagena: Jasgeshe washa de‐e nanixguna? Higikarabre jhira hirarakararajane washara jasgakhi epa inke shige jhi‐hirarakaranikjanena.

Lukga 10:39

Egi hinugjega hinugisha khinubra Maria higairera, e Jesus si‐hieja minagshana, egi hoit’era harnagixgunakshana.

Lukga 11:1

Egi herena, E Mau gikarajnakshana nige, jaja rashjangi hironag warnira hisha wagena: Hirukanara Mau gikarajra higiguswire, Johnga wironag warnira wagigusra shesge.

Johnga 6:27

Inke waruj d’arnankhi ruxurugnaiwinine, waruj hisha she‐e inke shena phiniagra ruxurug‐naiwine wankshighoi hisgejagra she‐e Wankshig‐hinigra hornik’unkjanihawina, Maura Hianjihiwira E wijanti‐una.

Johnga 11:1

Egi wangisha howasharna Lasarus higairera, Bethania eja jhinag Maria hojhieja egi hinug‐khinubra Martha.

Johnga 11:19

Egi Judra roha Martha egi Maria wirajirena, warukheg hirege khinubhirera e hawau.

Johnga 12:3

Egi Maria wikinipauna phi wogisog Nardra hikiruaisha russana mashja jexi hirena, egi Jesus si‐eja hawaxuna egi sira giwasharna najura hik’uanaga. Egi jhira wikinipanna phi panana hoixjina.