Lukga 10:3 - Winnebego Bible Portions 1907

³ Rawinane, horuxujwire, jhasgarning hikisge shungjang horogeja howare‐ningigiwina.

Lukga 10:3 Referans Kwoze

Matthaiga 10:16

Horuxujwire jhasga hikisge shunkjang horogeja howare‐ningigiwina, esge wakha wowanaiksab hikisgawiaje, egi rujgesga hikisge inke waishjankeni.

Hoixgara 20:29

Egi de‐e hiaperessana hakaranaga hageja shungiang wajexira horograwiregi howaji‐ahuirekjanena, inke hornihera hotawahiranikjanena.

Johnga 16:2

Wohokhu‐hojhieja hihinab nigigirekjanihawina. Hisgexjina howagixra jigi, peshe d’eninawigi, Maura wagire waushe hirekjanena.

Johnga 15:20

Wewiwine Hoit’e hinigawira: Warera inke e hiraijera xetearnaga hirukanara worujisninana. Hingishana nairarnihegi, nishge hinigishana nainarnihekjanihawina. Jagu hihera uinegi, nishge jagu hishawigi uinekjanena.

Matthaiga 10:22

Egi wankshigra harnaj hornishig‐hirekjanihawina rash harnira hawau. Eshi hisha hoshejainja hipa hiwarnuxshagi hiungi niaimbkjanena.

Matthaiga 7:15

Prophet woretungra hinakewe wakhiwianje, e jhasgaha hornashi hiranijirekjanihawina eshi rogra shunkjank wajexi waunagikjanena.

Hoixgara 9:2

Egi wawagax u‐rogiguna Damaskus eja howarekjege wohokhu‐hojhiejananka eja hisha de‐e howak’u hiegi wang hirarnaga shige hinug hiregi Jerusalem‐eja rusgij warnikirikjege.

Johnga 10:12

Eshi e hisha warajegi egi inke jhasga hirakaraisha herenina, jhasgara inke e‐warninijege, shungjangra hisha huhau hajagi, jhasgara wat’unanana egi giasnana, egi shungjangra jhasgara warukosnana egi jhasgara hoeranana.

Hoixgara 9:16

Washa rokana hagiguiskjanena e rash harnira hawau hawekjanena.

Lukga 10:4

Inke shuroshu harnirawinine, shige panra, shige waguje, egi inke hisha hikaragi‐winianje nagueja.