Lukga 1:68 - Winnebego Bible Portions 1907

⁶⁸ Hirukanara ninajank hirekjanena Maura Israel washinira, egi horajajina egi wankshig warnira wakuruwinjina.

Lukga 1:68 Referans Kwoze

Lukga 7:16

Egi harnaj eja naxirairena, egi Maura rajanghirena, wairena: Prophet rokanaisha horoghihiwiregi haxebshana, egi Maura wankshig warnira womakarakhini jina.

Lukga 2:38

Egi hinugjega howagixeja jina, hishge Hirukanara waiginapshana, egi haehina jarnaga wakuruwina hapenankhi Jerusalem‐eja.

Hogusra 14:20

Egi Mau eshana xeteranira nitajankshana, E hokikje‐wara‐jabra nab hashinieja wornigi‐rushjarehina. Egi Abram hikere‐panaishara harnaj hok’una.

Hogusra 9:26

Egi wena: Shem Hirukana Maura rajankjanena, egi Kanaan ware harnikjanena.

Lukga 19:44

Egi maisinsh‐nikjanihawina egi ninkjangnig washinira rogreginagre, egi inke inira nige hisha hirajakikanag harnagnikjanena, hambeja horanijajiwira inke hiraperesni harajege esge.

Hogusra 24:27

Egi wena: Jehowa Maura hirukana harnira Abraham nirajankhirekjanena, E hinke hirukana harnira najojara egi wogisogra hagirushjanina, naguregi haumagra Jehowa hirukana harnira wakhinubra hojhireja hinihina.

Lukga 1:71

Hiniaimb‐jawige wangakarashig‐kjanihawina hokikjehiwajabwieja egi wangagirushib‐kjanihawina wangosh’ignangwigi harnaj.

Lukga 24:21

Eshi Israelra E niambwahikjane hiarajawiu herena, egi shige de‐e hamb de‐e hambhitanihana herena, hipa washa de‐e uinera.