Lukga 1:6 - Winnebego Bible Portions 1907

⁶ Egi hinubike phinena Maura jowehieja. Maura woehi harnieja egi u’washi harnira harnaj phihirena.

Lukga 1:6 Referans Kwoze

Hogusra 7:1

Egi Jehowa Noah wagena: Hure egi horajhira harnaj wajregi hokawawire. Ne joweharegi phi harnijarna wankshig‐hoi tegi.

Hogusra 17:1

Egi jaja Abram ma kerepana‐hishankijushguni‐anaga egi hishankijushguni‐hashanahangi, Jehowa Abram jantingikhina egi wagena: Ne Mau inke washa rushagnira winena, Hishja joweharegi manige egi inke washara hisha hirohiranine.

Hoixgara 24:16

Egi jajanaga hoishib hiakijgajena wowewi phi hiu Maura jowehieja egi wankshignagre jowehireja.

Hoixgara 23:1

Egi Paulus waehinanka woruxujshana wena: Wangra egi hikhinubwira, wowewiphi hiu wankshig haianjena Maura jowehieja hamb‐tegi hipa.

Hogusra 6:9

De‐e Noah hokijhu harnira herena: Noah wang phisha herena egi Mau nakewesha wankshighoi eja, egi Noah Maura hakishu maniankshana.

Lukga 16:15

Egi Jesus wawagena: Neninewine, e wankshignagre jowehireja phi harakikarashiniwina, eshi najge washiniwira Maura wawiperesnankshana. Egi washanisha wankshignagre horogregi gish’agjihirega, Maura hajara mashja hosh’ignakshana.

Lukga 1:7

Egi inke ninkjang juiranina, Elisabeth ninkjushgunisha herege esge, egi shegunegi hinubike shag’jinena.

Lukga 2:25

Egi horuxujre, Jerusalem‐eja wankshigisha jena, Simeon higairena, egi wankshig de‐e phina egi Mau wogixeteisha herena, Israel warukheg harninera hapejena, egi Naxirag Wakanjangra hakishu unjena.

Hoixgara 2:25

E, Dawid hit’et’era wagena: “Hirukanara hoishib hajharna hishja‐joweharegi, sanighoishoro hareginakshana, inke hinujiraranikjege.

Hoixgara 8:21

Ne inke hija wosh’unikjanena egi shige washa hoishjara woshga degi, najge hashinira inkephinige Maura hishja jowehieja esge.