Lukga 1:32 - Winnebego Bible Portions 1907

³² Rokanakjanena, egi Eshana Hiraijeranaga Hinigra higairekjanena, egi Hirukanara Maura hokunkjanena hianjra Dawidga hung waminag harnira.

Lukga 1:32 Referans Kwoze

Lukga 1:35

Egi waxopiniwarajirajega horniharna egi hinugjega wagena: Naxirag Wakanjangra hiranijikjanena, egi Eshana Hiraijeranaga homashja harnira hoirawahasininkjanena, esge washa wakanjangra wankshig‐horni’inkjanena Maura Hinigra higairekjanena.

Markga 5:7

Egi mashja uwana egi wena: Jagu ningiu hajeshe, Jesus Maura eshana xetenagra Hinigra neninegaja? Wihohire Maura jowehieja, inke hawe‐hinanikjege.

Lukga 1:76

Egi ne‐ninkjangra, prophetra hinigairekjanena Eshana Hiraijeranagra eja howaji. Esge Hirukanara joweja horawasherekjanena nagura hirushjangigi.

Matthaiga 28:18

Egi Jesus jiarnaga egi wawokit’ena, wena: Homashjara harnaj hunkuinena wangregi egi manegi herera.

Hoixgara 2:30

Esge prophet‐isha heregaja, egi hiperessana Maura mangirajshana wihogigirena, ro earnieja sura axebjanega hisha hung‐waminag harnieja minaigkjanera erena.

Matthaiga 1:1

Hokijhu wagax Jesus Kristus harnira Dawid hinigra, Abraham hinigra.

Hoixgara 16:17

E Paulus egi ne hiroinagwina, egi uwana, wena: Wangnagre Mau eshana xetera ware warnira waunankshana, e wankshighoi nagura wangogirag hajirawina.

Hoixgara 2:36

Esge Israel jhira harnaj wogisogji hipereswire Maura Jesus de‐e Hirukana egi Kristus una, E naramiheja haraisarajwina.

Johnga 12:34

Wankshigra hornigihairena: Hinaxguwigaja woehieja, Kristus manegus nihekjanera. Jagu‐u wa’sheshe, Wankshig‐hinigra ruainekjanegi? Peshe hereshe Wankshig‐hinigra?

Johnga 6:69

Egi harnanixguwina egi wogisog hiaperes‐hajena, Ne Kristus Mau niambra Hinigra Neninera.

Markga 14:61

Eshi Jesus inke xabnina. Nabhoruxaj hirukana hungra shige higiwaxshana egi wagena: Jasge Kristus nenineshe, Rajanghirera hinigra nenineshe?

Hoixgara 7:48

Eshi Eshana Xetera inke wohokhu‐hojhixete nab hiuine hojhininana, prophetra shesge ena.

Matthaiga 3:11

Hisgexji ni wagiu hajena harnipaxu hajane, washa woishana najgekarateg, eshi hisha hiroinag jira, hiraijera mashjana, hotujis‐shana, E waguje harnira inke wagarniu hiakisgarnina, E Naxirag Wakanjangra harniwaxukjanihawina, egi pej hirassa.

Lukga 6:35

Eshi hokikje‐warakijabwira wawogixetewiaje, egi phiwagigiwiaje egi wornajwagigiwiaje, inke hakja karakjambwinianje, egi woirowe hashiniwira xetekjanena, egi Eshana Hiraijeranagra E ninkjang harninikjanihawina. Maura phiwagiginakshana inke wainabnira egi wowongra.

Lukga 3:16

Johnga horniharna egi harnaj wawagena: Hisgexji ni‐wagiu hajena harnipax‐uanjane, eshi hisha hiraijerana hajire, waguje sika harnira inke girushge duxurugnina inke washa hiakisgarni hajege esge. E Naxirag Wakanjangra harniwaxun‐kjarnihawina egi pej hirassa.

Lukga 1:15

Egi Hirukanara washaxji hiranainkjanege esge. Egi inke nishujra egi shige washa shja rajganikjanena. Egi Naxirag Wakanjangra hoixjinkjanena hiunira ujganag’nakhishge shesgekjanena.

Matthaiga 12:42

Hiungiwi wiorojanjeregi herera hamb woehieja wankshighoi de‐e hakishu nashinekjanena egi washoshishig howewahikjanena, e ma‐harixji howajianaga Salomon washoiperes harnira naxgujige, egi horuxujre eegi hiraijera xeteisha jena, Salomon worujis.