Lukga 1:15 - Winnebego Bible Portions 1907

¹⁵ Egi Hirukanara washaxji hiranainkjanege esge. Egi inke nishujra egi shige washa shja rajganikjanena. Egi Naxirag Wakanjangra hoixjinkjanena hiunira ujganag’nakhishge shesgekjanena.

Lukga 1:15 Referans Kwoze

Hoixgara 2:4

Egi harnaj Naxirag Wakanjangra hoixjinena, egi hit’e hijahi hit’e hajiarairena, jagu hit’airekjera Naxiragra e hit’et’e wagigina.

Lukga 7:33

John Niwawaxunga jira inke waisgabduj rujnina inke shige nishuj rajganina, egi washawina: Waxopinishishig harnijeshe.

Lukga 7:28

Egi hinigawina: Horogejajena hinug wankshighiinanka eja inke hisha prophet hiraijera xetenina John Niwawaxunga waura. Eshi hisha hungma Maura harnieja worujisdingi, e hiraijera xetenana.

Hogusra 48:19

Egi hianjra inke unina egi wena: Hiaperessana hinig‐haxji, hiaperessana, hishge wankshig howajehisha herekjanena, hishge rokanakjanena, eshi jasgegi e khinubxunura hiraijera rokanakjanena, egi su earnira wankshig howajehi hornihe xete jijekjanena.

Hogusra 12:2

Egi wankshig howajehi rokana niunkjanena, egi washophi howenikjanena, egi rash hashinira rokana ninkjanena, egi washophi howe‐wahiranikjanena.

Johnga 5:35

Johnga hatasha tae rukanakanab hisha herejena, jowexjinig hohamb harnieja wornigishawa nanash’iwina.

Lukga 1:14

Egi wonigishawakjanena egi raiphinkjanena, wankshig’ingi roha hito’inkjanena.