Johnga 8:11 - Winnebego Bible Portions 1907

¹¹ Hinugjega wena: Inke hisha, Hirukanara. Egi Jesus hinugjega wagena: Nishge inke washinohire ningiunikjanena. Karare egi inke hinupahana washa woishana unianje.

Johnga 8:11 Referans Kwoze

Johnga 3:17

Maura Hinigra manegi howahugigira, inke managre washinohire howekje wagiu jinina, eshi managre E wankshighi‐inekjege esge.

Johnga 5:14

Hagregi Jesus hiena, wohokhu‐hojhixeteja egi wagena: Horuxujre ninushjana, inkinupahana washa woishana unianje, nigete washa shishig hiraijera horawege.

Johnga 8:15

Woehi‐sh’uharajawina roregi, inke woehi hisha hagiuniajena.

Lukga 15:7

Hinigawina, shesgarnakshana wangregi herera hiraijera wogishawarnankshana washa woishana ura hisha najgerakarateka, kerepana‐hishankijushgunianaga‐hishankijushguni‐hashana wankshig phira e inke washa woishanana najgerakarategra hiuninanka she‐e worujis hiranana.

Lukga 5:32

Inke phira wagigo hajinina, eshi washa woishana ura najgera wakarateg hirekjege.

Lukga 13:3

Inka‐a hornigitagwina, eshi inke najgera rakarategwinigi, hishge harnaj shesge shjekjanihawina.

Lukga 15:10

Esge wanigawina: Eja wogishawarnankshana waxopiniwarajirera Maura jowehieja, washa woishana ura hisha najgerakarateka.

Johnga 18:36

Jesus horniharna: Hungma harnira inke ma‐tegi herenina. Hungma harnira ma‐tegi heregi, ware warnira kissairanana inke Judra hinushjane‐hiraninana, eshi shegunegi hungma harnira inke eegi herenina.

Lukga 15:32

Hisgenaje hiwauwinana hiwogishawawigishi egi hingiphiwigi, de‐e rakhinubra herera d’egajerena, egi shige niambshana, egi xawanigajerena, egi shige hierege esge.

Lukga 13:5

Inka‐a hornigitagwina, eshi inke najgera rakarategwinigi, hishge harnaj shesge shjekjanihawina.

Lukga 9:56

Wankshig‐hinigra inke wankshignagre maisinsh wahikje wagiunjinina, eshi niamb wahikjege. Egi jhinag hijanesha eja howarairena.