Johnga 6:9 - Winnebego Bible Portions 1907

⁹ Hojinjinig hisha egi unjera, waisgab‐sinshserej horok’ira saja harnijena, egi ho xununigra nup harnijena. Sheeshi washashe worohaxji‐gaja.

Johnga 6:9 Referans Kwoze

Lukga 9:13

Eshi Jesus Wawagena: Ne waruj wogawire. Egi wairena: Waisgab‐horok’ina sajanaga egi hora nupiwi shegunkire harniwina. Eshi wankshig de‐e harnaj waruj wagiruwi regishana hereshgunina.

Markga 6:38

Wawagena: Waisgab‐horokina jarnaga hashiniwishe? Rawire egi horuxujwire. Egi jaja hiperes‐hiregi, wairena: Sajana egi hora nupiwi.

Matthaiga 14:17

Egi wagairena: waisgab‐horok’ina saja harniajawina egi hora nupiwi,

Matthaiga 16:9

Jasge higu kheni washa hiraperes‐winishe? egi shige inke shewewiwinishe? Waisgab‐horok’ira sajara hogihixete‐saja wakura, egi napara jarnaga hoixji storawishe?

Markga 8:19

Jaja waisgab‐horok’ina saja dujhera hogihixete‐saja hikiweninera, hoxjugra napara jarnaga hoixji storawishe? wagairena: Nup‐hashana.

Johnga 11:32

Jaja Maria Jesus hounjega eja higi egi hajarna, hinugjega khanena si hieja, wagena: Hirukanara eegi ranishegishi hakhinubra inke d’arnina.

Johnga 11:21

Egi Martha Jesus wagena: Hirukanara eegi ranishegishi hakhinubra inke d’arnina.

Johnga 6:7

Philipga hornigiharna, Denaria hogihinup hikisge waisgabdujragi inke hina hiraninana harnaj xunuhinigshana rus‐hireshgunina.

Johnga 6:11

Egi Jesus waisgabdujra warussana, egi wainabrashjangi, hironagananka wawigiwenina egi hironagananka minagwagigirega wawigiweninena egi ho‐xununigra shige hiwenirena jarnaga giphinegi.

Johnga 21:9

Egi jaja moroija hagiregaja uxini taxini hajairena eja, egi ho‐isha‐hijagshana, egi waisgabduj.

Johnga 21:10

Jesus wawagena: Hora warniguwire, hojishana waraixewira.

Johnga 21:13

Egi Jesus jiarnaga egi waisgab rusanaga egi wogarna, egi hora shige shesgehi.