Johnga 6:51 - Winnebego Bible Portions 1907

⁵¹ Waisgab niambra Newinena, E wangregi howajina, hisha waisgab de‐e rujgi manegus niaimbjanena, egi waisgab hornik’unk‐jarnihawire ro harnira herena, E wagakjanena maneginagre wankshighi‐inekjanena.

Johnga 6:51 Referans Kwoze

Lukga 22:19

Egi waisgabra rus‐shana egi wainabshana, egi rujhena egi wawogarna, wena: De‐e ro harnira herena, E wornigigairawina, de‐e sh’uwingi hiwewiwianje.

Johnga 6:33

Eshi Maura waisgab harnira erena E wangregi howajina, egi maneginagre wankshighoi wogarna.

Johnga 3:13

Egi inke hisha wangregi hininana, eshana wangeja howajira, Wankshig‐hinigra wangeja herejena.

Matthaiga 20:28

Wankshig‐hinigra una shesge, E inke wagirairekje waunjinina eshi wawagirekje, egi wankshig‐hoi harnira wogarna roha hikikuruwi hiuine.

Johnga 3:16

Hisgexji Maura managre wogixetera deshesgena, Eshana Hinigra herera wogarna, higu peshe harnaxgungi inke d’arnikjanena, eshi wankshighoi hisgeja unkjanena.

Johnga 1:29

Haininegi Johnga Jesus eowahu‐hegi hajarna, Johnga wena: Horuxujwire Maura jhasga‐ningnig harnira E washoirohire manegirera wak’iankshana.

Johnga 1:14

Egi Hoit’era hahi rona, egi horogregi jhina, gloriara hagija hajawina gloria she‐e eshanaherena Hianj‐hirera harnira, najwojana egi wogisogra rokana.

Johnga 7:38

Hisha harnaixgungi, wowagaxra agra shesge, nishanag niambra nira nixaeja xuinekjanena.

Johnga 3:14

Egi Mosesga ura hisgera wakhaisha wangeja howaara mojainainja, shesgegigiregi Wankshig‐hinigra wangeja howa‐ainegi phinana.

Johnga 3:36

Hisha Hinigra harnaxgungishi, wankshighoi‐hisgeja unkjanena, egi hisha Hinigra inke harnaxgunigi inke wankshighoira hajarnikjanena, eshi Maura wogiteg harnira eja hiwushakjanena.

Johnga 5:24

Hisgexjina, hisgexjina hinigawina, hisha hoit’e harnira naxgungi, egi hisha huingigira E harnaxgungi wankshighoi hisgeja unkjanena, egi inke washinohire howe hireja hinikjanena, eshi hot’era haixarnaga egi wankshighoi hisgeja unkjanena.

Johnga 6:35

Egi Jesus wawagena: Newinena waisgab niambra, hisha hiraijigi inkaga dokewe‐hinikjanena, egi hisha harnaixgungi inkaga iwus‐inikjanena.

Johnga 6:41

Judra shejananegi haehirena, waisgabra Newinena wangregi wawajina hikigege esge.

Johnga 6:47

Hisgexjina, hisgexjina hinigawina, hisha harnaixgungi wankshighoi hisgeja unana.

Johnga 6:48

Waisgab she‐e niambra Newinena.

Johnga 6:50

Waisgab de‐e E wangregi howajina, hisha she‐e rujgi inke d’arninana.

Johnga 11:26

Egi peshe niambjegi egi harnaixgungi inkaga d’arnikjanena. De‐e harnanaxgushe?