10 Judra esge wagairena rushjangishi: Sabath hambjena, woehieja ronigixirena homigra rakuruashawank.
Esge Pharisera hota wairena: Wankshig de‐e inke Maura eja howajinigaja, inke Sabath hambra haisonigaja. Hijanera wairena: Wankshig washa woishana ura hisha wowakanjank shesge u‐ruxurugnashe? Esge nupihikhinena.
Egi Pharisera hota hijarnankhi wawagairena: Jagu‐u de‐e wash’uwishe inke Sabath hambeja deshesge hiphiraniwinigaja?
Egi wohokhu‐hojhi hirukanara wogiteg horniharna, Jesus Sabath hambregi hisha rushja hige esge, egi wankshigra wawagena: Hambra akeweha hajena, wankshigra hambeja warairekjege, esge hambeja hajiranaga egi rushjakhiwine egi inke Sabath hambeja.
Egi wawagena: Sabath hambregi jagu hiuwigi phinkjaneshe, washophi u‐anaga nigeshge washoshishig unashe? Hisha niambhianaga nigeshge hisha d’ehinashe? Eshi inke xabhiranina.
Egi Pharisera Jesus wagairena: Horuxujre, jagu ungaja Sabath hambregi wauineshe e woehira roxiagra.
Egi esge Judra Jesus washa gishganainena egi d’ehinainena, de’e Sabath hambregi waunge esge.
Wangrisha Sabath hambeja majaire rusgi, inke Mosesga woehi harnira girusheraninana, wogiteg‐niwishe Sabath hambeja wangisha harnaj rushjahara esge?
Egi hakarairena, egi washa‐teg hirushjahirena egi wikinipana phi, egi Sabath‐hambregi xgasigirena, Maura u‐washi harnira jagu agra shesgehirena.
Egi horuxujre, wangisha eja nankshana e nab harnira dakaserena. Egi higiwaxhirena wairena: Jasge Sabath‐hambregi rushjawahira woehieja roxishe? washinaraj hirekjege wairena.
Egi de‐e Johnga worag harnira herena Judra nabhoruxaj hirukanara egi Lewitra hijowarewagigire, Jerusalem eja howahirena, higiwaxhirena peshe nineshe higairena?
Wawornigiharna: Hisha rushjawina, e waigena, homig hashinira kurusanaga egi manine.
Wangjega nige‐howakerena egi Judra wogiragshana, Jesus waura rushjahirega.