Johnga 3:5 - Winnebego Bible Portions 1907

⁵ Jesus horniharna: Hisgexjina, hisgexjina hinigena, inke hisha ni egi shige Naxirag wankshighi‐inigi inke Maura hungma harnira eja hokewe ruxurugninana.

Johnga 3:5 Referans Kwoze

Hoixgara 2:38

Egi Peter wawagena: Najgera‐karategwire egi harnaj ni‐awaxuine‐khiwine Jesus Kristus rash harnira hiu, washa woishanara warnigit’unairekjanihawina, egi Naxirag Wakanjangra hornik’uinekjanihawina.

Matthaiga 3:11

Hisgexji ni wagiu hajena harnipaxu hajane, washa woishana najgekarateg, eshi hisha hiroinag jira, hiraijera mashjana, hotujis‐shana, E waguje harnira inke wagarniu hiakisgarnina, E Naxirag Wakanjangra harniwaxukjanihawina, egi pej hirassa.

Johnga 3:3

Jesus horniharna egi wagena: Hisgexjina, hisgexjina hinigena, inke shige wankshigrisha wankshig‐inigi, inke Maura hungma harnira hajarnikjanena.

Markga 16:16

Egi higu peshe harnaxgungi egi ni‐hawaxu‐hirekjena niaimb‐kjanena, eshi higu peshe inke harnaxgunigi washoshishig howehirekjanena.

Johnga 1:13

She‐e wankshiginegi inke wai wankshighi‐iranina, egi inke ro‐woshga wankshighi‐iranina, egi inke wankshig woshgara wankshighi‐iranina eshi Maura E wankshighiinena.

Matthaiga 28:19

Esge rawianaga egi wankshig‐hokirajra harnaj washa wagiguswire, niwawaxuwianje Hianj‐hirera rash harnira hiu egi Hinigra egi Naxirag wakanjangra.

Matthaiga 18:3

Hisgexjina hinigawina, shawakshawinigi egi ninkjang xununig hirakisgawinigi, inke hungma wangregi horakawanikjanihawina.

Hoixgara 3:19

Esge najgera‐karategwire, egi wakshawine, washa woishana washiniwira wanigit‐’unekjawina, niambwahira Hirukanara hishjahieja howajikjanena.

Lukga 13:3

Inka‐a hornigitagwina, eshi inke najgera rakarategwinigi, hishge harnaj shesge shjekjanihawina.

Matthaiga 5:20

Hisgexji hinigawina, inke hophi hashiniwira Wowagax‐hiperesra egi Pharisera hophira wiranijairawinigi inke hungma wangregi hokewe shuruxurugwininana.

Lukga 13:24

Hiunjaxjine jhirob hokirashirira hokewena‐ianje. Hinigawina roha hokewena‐inkjanena, egi inke ruxurughiranikjanena.

Lukga 13:5

Inka‐a hornigitagwina, eshi inke najgera rakarategwinigi, hishge harnaj shesge shjekjanihawina.

Matthaiga 19:24

Egi shige wanigawina: Wanoijge‐huxash’ogra hisha wiruxug hopoxeja hokewera e wogiwategnana egi wang hitajera Maura hungma harnieja hokewera e hiraijera gijexinankshana.

Matthaiga 21:31

Nup hajawinga hajanga hianjhiwira jagu era giuwishe? Wagairena: Jegejajega. Jesus wawagena: Hisgexjina hinigawina, Publikanra egi hinug‐wowongra e jorni jowerawieja Maura hungma harnieja hokawairena.

Markga 9:47

Egi hishjasu hashinira washinohire u‐ningi rushorojaje, hiraijera phi horawanana Maura hungma harnieja hishjasura hishankira harni horakewegi, hishjasura nup harni pej‐shishigeja hot’unairegi e hiraijera shishignana.

Markga 10:14

Eshi jaja Jesus hajagi mashja inke giphinina, egi wawagena: Ninkjang xununigra hiraji waigigiwire, egi inke warogixiwinine shesgera Mau hungma harnira harninena.

Johnga 3:4

Nikodemus wagena: Jasgehiranaga hisha shagkhi shige wankshig‐inkjaneshe? Jasge, shige hinupahana hiunira eja hokawarnaga ujganag hiranaga wankshig‐inashe?