Johnga 3:19 - Winnebego Bible Portions 1907

¹⁹ De‐e washoirohire howera herena, hohambra manegi jira egi wankshigra hokawasra e hiraijera wogixete hirena, hohambra hagkererena, woshga warninera shishighirege esge.

Johnga 3:19 Referans Kwoze

Johnga 8:12

Egi Jesus shige hit’et’era wawagena: Manegirera hohambra Newinena. Hisha hiroinakhi inke hokawaseja maninikjanena, eshi homamb wankshighi‐ihakjanena.

Johnga 12:43

Egi wankshig rajangra hiraijera giphinena Maura rajangra worujis hirena.

Johnga 5:44

Jasgerawianaga harnanaxguwinaguni, hijanehihi rakhish’ag shurus‐harajena, egi hoish’ag Maura eja howajirashana inke horaniniharajena?

Johnga 1:4

E wankshighoina herena, egi wankshighoi de‐e hohamb wagigina wankshigra.

Lukga 12:47

Egi ware she‐e, e hirukana harnira woshgara higiperesgi, egi inke hikorohornigi, inke shige woshgara e heregiginigi, rohaxji hojinekjanena.

Johnga 7:7

Manegirera inke hornish’ig ruxurug hirawinina, de‐eshi hush’ighirena wawagitagra manegiherera wore harninera shishig hireshe hihera esge.

Johnga 7:17

Hisha woshga earnira unkjegi, wogusra hiperesikjena jasgegi Maura earnigi, nishge nearnira wagajegi.

Lukga 16:14

Egi Pharisera hishge hitajenainena, washa de‐e harnaj naxguinena, egi igixjairena.

Johnga 1:5

Egi hohamb de‐e hokawasregi hatakajhijena, egi hokawasra inke hiperes‐hiranina.

Johnga 9:5

Manegi jajaixji haungishi, managre eegi hohambra Newinena.

Johnga 12:31

Shegunegi woehira ma‐de‐e herena. Shegunegi hung ma‐egi herera jangra hot’unairekjanena.

Johnga 12:46

Managre eegi hohambra Newine hajina, higu peshe harnaixgungi inke hokawaseja unjanikjanena.