Johnga 3:18 - Winnebego Bible Portions 1907

¹⁸ Hisha harnaxgungi inke washinohire howanikjanena. Eshi hisha inke harnaxgunigi washinohire howagininana, Maura Hinigra eshana herera rashra inke harnagixgu‐hiranige esge.

Johnga 3:18 Referans Kwoze

Markga 16:16

Egi higu peshe harnaxgungi egi ni‐hawaxu‐hirekjena niaimb‐kjanena, eshi higu peshe inke harnaxgunigi washoshishig howehirekjanena.

Johnga 5:24

Hisgexjina, hisgexjina hinigawina, hisha hoit’e harnira naxgungi, egi hisha huingigira E harnaxgungi wankshighoi hisgeja unkjanena, egi inke washinohire howe hireja hinikjanena, eshi hot’era haixarnaga egi wankshighoi hisgeja unkjanena.

Johnga 3:36

Hisha Hinigra harnaxgungishi, wankshighoi‐hisgeja unkjanena, egi hisha Hinigra inke harnaxgunigi inke wankshighoira hajarnikjanena, eshi Maura wogiteg harnira eja hiwushakjanena.

Johnga 20:31

De‐eshi wagaxankshana, harnanaxgunkjawige Jesus she‐e Kristus herejena, Maura Hinigra, egi harnanaxguwigi wankshig‐shinkjanihawina rash earnira hiu.

Johnga 6:47

Hisgexjina, hisgexjina hinigawina, hisha harnaixgungi wankshighoi hisgeja unana.

Johnga 6:40

Egi woshgara de‐e herena hisha huingigira, jarnaga Hinigra hajagi egi harnaxgungi, wankshighoi hisgeja unana, egi phihi wankshig‐ihakjanena hamb hirowageja.

Johnga 1:18

Inkaga wankshigrisha Maura hajarnina, eshana Hinigrerege Hianjra mang‐hieja nakshana, hiperes‐wangahiwina.

Johnga 1:12

Eshi jarnaga rusra, she‐e homashja wogarna Maura hinig wahikjanena, jarnaga rash harnira harnaxgungi.

Johnga 3:16

Hisgexji Maura managre wogixetera deshesgena, Eshana Hinigra herera wogarna, higu peshe harnaxgungi inke d’arnikjanena, eshi wankshighoi hisgeja unkjanena.