Johnga 3:11 - Winnebego Bible Portions 1907

¹¹ Hisgexjina, hisgexjina hinigena, washara hisha hinpereswiga horagwishununa, egi washara hisha hajawiga horagwishununa, egi inke shurus‐niharajena worag harniwira.

Johnga 3:11 Referans Kwoze

Johnga 8:38

She‐e wagajena jagu Jajiga eja hajhara, egi shesge rarajawina jagu hianjwarawiga eja hashjawigi.

Johnga 14:24

Hisha inke woigixetenigi, hoit’e hihera inke hingiunigi. Egi hoit’e nanaxguwira inke Ne‐warninina, eshi Hianjihiwira E huingigina.

Johnga 12:49

Inke Ne‐wakigarnihajena. Eshi Jajiga E huingigina, uwashi hunkune jagu hihekjera egi jagu haehakjera hingena.

Johnga 8:14

Jesus horniharna egi wawagena: Ne wakikarag hajanunige, wotaghajane hisgexjina. Hajinja wawajira hiaperes‐hajege esge, egi shige hajinja wawatera. Eshi inke horag‐shuruxurugwinina hajinja wawajira, egi hajinja wawatera.

Johnga 7:16

Jesus wornigiharna egi wena: Wogus harnira inke nearninihajena, eshi earnina hisha huingigira.

Johnga 1:18

Inkaga wankshigrisha Maura hajarnina, eshana Hinigrerege Hianjra mang‐hieja nakshana, hiperes‐wangahiwina.

Johnga 1:11

E‐warnige wirajina, egi ewarninunige inke rus‐hiranina.

Lukga 10:22

Washara harnaj hunkuna Jajiga. Egi inke hisha hiperesnina Hinigra peshe herera, eshi Hianjrashana hiperessana, egi inkisha hiperesnina Hianjra peshe herera, eshi Hinigrashana hiperessana, egi e hisha Hinigra hiperes‐hinana.

Hoixgara 22:18

Egi hajharna, waigena: Xapge higire egi Jerusalem‐regi xapge nigeowarare, worag hashinira inke ningirushiranikjanena ne‐hawau.

Johnga 5:43

Ne hajina Jajiga rash harnira harni, egi inke hishuruswinina, hijanera hisha jigi rash earnira hakaranijigi e shurus‐wishgunina.

Johnga 3:13

Egi inke hisha wangregi hininana, eshana wangeja howajira, Wankshig‐hinigra wangeja herejena.

Johnga 3:5

Jesus horniharna: Hisgexjina, hisgexjina hinigena, inke hisha ni egi shige Naxirag wankshighi‐inigi inke Maura hungma harnira eja hokewe ruxurugninana.

Johnga 3:3

Jesus horniharna egi wagena: Hisgexjina, hisgexjina hinigena, inke shige wankshigrisha wankshig‐inigi, inke Maura hungma harnira hajarnikjanena.

Matthaiga 23:37

Jerusalemra, Jerusalemra, prophetra d’ewarana, egi ini wawiraisagshana e jiwanigigirera, hoja jarnaha ninkjang washinira sto‐wanigigiguni, bagawaxge hinugra ninginig warnira ahukhuha wakshui‐reshunura shesge wagiginaira egi inke sh’uwinina.

Matthaiga 11:27

Washara harnaj hunkuna Jajiga, egi inke hisha hiperesnina Hinigra peshe herera, eshi Hianjrashana hiperessana. Inke shige hinkisha Hianjra hiperesnina, Hinigrashana, egi E higu peshe Hinigra hiperes‐hikjegi unana.

Johnga 3:12

Managre‐egi washornigitagra inke harnainaxguinina, jasgerawianaga harnainaxguiwinashe wangregi washa hornigitagwigishi?

Johnga 8:26

Washara roha hinigekjanihawina, egi washara roha woehi‐nigiunkjanihawina. Egi hisha huingigira wogisogshana, egi jagu E naxgura, she‐e managre hirowakit’e hajena.