Johnga 20:1 - Winnebego Bible Portions 1907

¹ Egi haramihehambgaja Maria Magdalena, hainixjinig higu hokawasja‐u hina wanaxihoshueja, egi hajarna inira rus‐hirera wanaxi‐hoshuejanagra.

Johnga 20:1 Referans Kwoze

Markga 16:9

Egi jaja Jesus kikawa‐angi hamb‐jornira hainixjinig haramihe‐hamb hambeja, jorni Maria Magdalena jantingikhina, hinug she‐e eja waxopinishishigra shagowi jangra howahasra herena.

Matthaiga 27:60

Egi warnaxi‐homig jeg earnieja hot’umbshana, e k’era inieja egi warnaxi‐hoshuaka jhirobra ini xeteisha eja hawanana, egi nigeowakerena.

Markga 15:46

Egi Joseph linen phixji ruwianaga, egi rushibshana, egi linen she‐e hirowejana, egi wanaxi‐hoshuisha eja hot’umbshana, e inieja k’airesha herena, egi wanaxi‐hoshu she‐e jhirobeja ini‐hisha hawanana.

Johnga 20:26

Egi shige hageja hamb haruwanga‐hanegi hironag warnira jhieja nankshana, egi Thomas hija‐unjena. Egi Jesus jina jhirobra hornassarnak’u, egi horogeja nashinjena, egi wena: Rashgunira harakishu sh’u‐harajena.

Johnga 19:25

Egi ejanashinakshana Jesus naramihejanaka, hiunira egi hiunira hijangra, egi Maria Kleopha hijawina, egi Maria Magdalena.

Matthaiga 27:64

Esge warnaxihoshura hamb‐hidanihainja hipa hirakara washire, nigete wironag warnira haheregi hahiranaga manu hirege, egi wankshigra wawagairekjanena: D’arnagra eja niamb howakirina, egi woishjanke hirowagnira hiraijera shishiggikjanena jegeja herera hiroheg‐hirena.

Hoixgara 20:7

Egi hamb jornineja wironagra stoireshununa waisgab rujhe, Paulus wahokhuna, hainigi wakiruje‐kjanarnaga, egi hit’et’era hahekissag hipa ena.

Matthaiga 27:56

Hisha Maria Magdalena herena, egi Jakob egi Joses hiunihirera Maria, egi Sebedai ninkjang warnira hiunihirera.

Matthaiga 27:66

Egi harairena, egi warnaxihoshura hirakarawagigirena, egi inira haixiri hirena, egi wirakarara hijawakererena.

Matthaiga 28:1

Sabath hoshejainja, hambguregi hambjornira hereharegaja haramihehambregi Maria Magdalena egi Maria hijanera warnaxi‐hoshura haja hahirena.

Matthaiga 28:2

Egi horuxujre, mara hixgara rokanana, Hirukanara waxopiniwarajire harnira wangregi howajige esge, egi jiarnaga egi jhirobeja ininaka hijahi hawanana egi haminagshana.

Johnga 11:38

Esge shige Jesus rogeja hanaganaga, wanaxomigeja jirena. Nish hopoxeja herena, egi inisha hihageja hakanaghirena.

Johnga 11:41

Egi inira rus‐hirena d’ega hot’umbhirera ejanagra. Egi Jesus wangeja horuxujshana egi wena: Jaji wainiginabshana nainaxgushanakaja.