Johnga 2:19 - Winnebego Bible Portions 1907

¹⁹ Jesus horniharna egi wawagena: Wohokhuhojhixete de‐e maisinsh‐hiwire egi hambra danihangi rojahakanagnana.

Johnga 2:19 Referans Kwoze

Markga 14:58

Naxguwina, wena, wohokhu‐hojhi de‐e maisinshhakjanena, nab‐hiuranagre, hambra danihangi hijanera inke nab‐hiuranira hisha haunana.

Markga 15:29

Egi jarnaga hija‐howegi washingagairena, para hirunanahirena egi wairena: Haha nenineshe, wohokhuhojhixetera maisinsh‐ranaga egi hambra danihangi shige sh’u‐shurushjaneshe hishera.

Matthaiga 27:40

Egi wairena: Wohokhu‐hojhixetera maisinsh‐ranaga egi hambra danihangi shige sh’u‐shurushjanashe hishera, niamb‐khine, Maura Hinigra neninegi, naramiheja d’ambre.

Matthaiga 12:40

Jonasga hambra danihanaga egi hahera daniha hoxete nixarogeja nihera hikisge Wankshig‐hinigra hambra danihanaga egi hahera daniha ma‐rogeja nihekjanena.

Hoixgara 3:15

Egi wankshighoi howajira d’erawina, E Maura kikawa‐agigina d’arnagra eja howakiri, wihohira newangerewina.

Hoixgara 2:32

Maura Jesus de‐e kikawa‐agigina, washa de‐e wihohira harnaj neninewina.

Hoixgara 2:24

E Maura kikawa‐agigina, hot’era hoteg harnira girushgena, inke hot’eja harukos phinige esge.

Johnga 11:25

Jesus hinugjega wagena: Wankshig‐hakhihara Newinena, egi wankshighoira. Hisha harnaixgungishi, d’egishge, niambikjanena.

Markga 8:31

Egi washa wagigus‐jirena, Wankshig‐hinigra jasgegi washara roha hawekjanena, egi xetera egi nabhoruxaj hirukana hungra egi wowagax‐hiperesra wajis‐hirekjanegi, egi d’ehirekjanegi egi hamb hitanihainja niaimbkjanena.

Hoixgara 3:26

Ne jorni hiranijiwina, Maura Hinigra Jesus kikawaahina, egi hugigianaga wogishawaniwina, washa woishana ura harnaj wakshanigigiwina.

Johnga 5:19

Jesus horniharna egi wawagena: Hisgexjina, hisgexjina hinigawina, Hinigra exji inke washa u‐nuxurugnina, Hianjra jagu u‐anjaga washanisha unga, de‐e hishge Hinigra unjena.

Matthaiga 27:63

Wairena: Hirukanara, hiapereswina waishjanke she‐e niambjanegi wena: Hambra danihangi shige hakikawa‐ankjanena.

Matthaiga 16:21

Epa Jesus wironag warnira wawogiragshana, jasgegi Jerusalem‐eja howaranaga egi washara rohaxji hawekjanegi, xetera wauinekjanena egi nabhoruxaj‐hirukana hungra egi Wowagax‐hiperesra, egi d’ehirekjanegi egi hamb hidani‐hangi shige kikawa‐akjanegi.

Hoixgara 6:14

Naxguwina de‐e era Jesus‐jega Nasaretheja herera jhi de‐e maisinsh‐hikjaneshe egi woshgara hijahikjaneshe ena, Moses wanghok’uwira.