Johnga 2:13 - Winnebego Bible Portions 1907

¹³ Egi Pasxa woruj Judra harninera herekorohorna egi Jesus Jerusalemeja howarena,

Johnga 2:13 Referans Kwoze

Lukga 2:41

Egi shagwahira Jerusalem‐eja hahireshununa mokahi Pasxa worujeja.

Johnga 11:55

Egi Pasxa woruj Judra harninera here‐korohorna, egi roha ma‐eja howajina Jerusalem‐eja howarairena, kheni Pasxa hereni kikurusha harairena.

Johnga 2:23

Shegunegi Jerusalem eja hira Pasxa worujeja, roha harnaxguna rash harnira, hajairera wowakanjank una.

Johnga 6:4

Egi Pasxa‐woruj Judra harninera herehikorohorna.

Johnga 5:1

Hagregi de‐e Judra worujxete uinena, egi Jesus Jerusalemra howarena.

Matthaiga 21:12

Egi Jesus Maura wohokhu‐hojhixete harnieja hokewena, egi jarnaga wohokhu‐hojhixeteja washa wiruwinankhi egi waruwinankhi harnaj jangra wowahas‐shana, egi shura‐hoikiruja warujra wawakhana, egi rujgesga wiruwi waminagnankhi.

Markga 11:15

Egi Jerusalem eja hahirena. Egi Jesus wohokhu‐hojhixeteja hokewena, egi wohokhu‐hojhixeteja washa wiruwinankhi egi waruwinankhi jangra wowahas‐shana egi shura hoikiruja warujra wawakana egi rujgesga wiruwi waminag‐nankhi.

Lukga 19:45

Egi wohokhu‐hojhixeteja hokewena, egi jangra wowahas‐shana eja washa wiruwinankhi egi waruwinankhi.

Johnga 13:1

Egi Pasxa worujra kheni hereni, Jesus hiperessana howagix earnira jira, ma‐degi nige howakerekjanena Hianjra‐eja, wawogixetejena ewarnira manegi u‐nagra, wawogixetejena hoshejainja hipa.