Johnga 19:42 - Winnebego Bible Portions 1907

⁴² Jesus eja t’umb‐hirena Judra hamb hoikorohora higirerege, wanaxi‐hoshunanka ashgenike esge.

Johnga 19:42 Referans Kwoze

Johnga 19:31

Egi rora inke naramiheja nagnikjege Sabath‐haimbjanege, hambeja hikorohornanke, esge Sabath hamb she‐e hamb xetesherena, esge Judra Pilatus raxurugnainena hura waishish‐hirekjege egi warushib‐hirekjege.

Johnga 19:14

Egi Pasxa worujra hikorohornankshana, egi ejaxji howagix akewehanguni. Egi Judra wawagena: Horuxujwire hung hashiniwira.

Johnga 19:41

Egi naramiheja haisaraj‐hirega houinega eja ashgenig max hishanakshana, egi max‐naka eja wanaxi‐hoshu jegisha nakshana, eja inkaga hisha t’umb‐hiranina.

Hoixgara 13:29

Egi jaja wowagaxeja wagax hirera harnaj exji herehiregi, najega eja rushib‐hirena, egi wanaxi‐hoshueja hot’umbhirena.

Johnga 19:20

Egi horag de‐e Judra roha ena: Jesus naramiheja haisaraj hirega jhinak hiwusunsh herege esge. Egi Hebrai egi Hellenos egi Romanra hit’e wowagax wagiuna.

Matthaiga 12:40

Jonasga hambra danihanaga egi hahera daniha hoxete nixarogeja nihera hikisge Wankshig‐hinigra hambra danihanaga egi hahera daniha ma‐rogeja nihekjanena.