Johnga 19:4 - Winnebego Bible Portions 1907

⁴ Pilatus shige hihinabshana egi wawagena: Horuxujwire harni hinigi‐hinabwina, hiraperesjawige, inke washinohirera hisha hiagienira.

Johnga 19:4 Referans Kwoze

Johnga 19:6

Jaja nabhoruxaj hirukana hungra egi ware warninera hajairegi mashjint’at’airena wairena: Naramiheja haisarajre, naramiheja haisarajre. Pilatus wawagena: Ruswire egi naramiheja haisarajwire, inke washinohirera hisha hiagieninunige.

Johnga 18:38

Pilatus wagena: Jaguisha wogisogra hereshe? Egi jaja deshesge e‐gi, shige hihinabshana Judrananka eja, egi wawagena: inke washinohirera hisha hiagienina.

Lukga 23:4

Egi Pilatus nabhoruxaj hirukana hungra wawagena egi wankshignanka: Inke wang de‐e washinohirera hisha hiagienina.

Lukga 23:47

Egi jaja manape hungra jagu ura hajagi, Maura rajankshana, wena: Hisgexjingaja de‐e wang phisha heregaja.

Lukga 23:41

Hisgenaje ha‐warnakshana, jagu hiura e hiwagiu harnakshana, eshi wang de‐e inke washanisha higishananinakshana.

Matthaiga 27:54

Egi jaja manape hungjega egi wakishu‐unjegi Jesus hirakara, mara hixgangi hajairena egi washa jagushana uinegi, naxirera rokana hirena, wairena: Hisgexji de‐e Maura Hinigra heregaja.

Matthaiga 27:24

Egi jaja Pilatus inke washa raxurugnira hajagi, eshi hiraijera mashja airege, ni russana egi nabra kurusharna worohanka jowehireja, wena: Wang phi de‐e wai harnieja inke ne hiaishananina, hajash’u‐harajawingaja.

Matthaiga 27:19

Egi jaja Pilatus (waehi) waminageja minagkhi, hijawina woraghisha hirajihina, wena: Wang phi she‐e inke washara hisha giunianje, washara rohaxji hirawajena hamb de‐e E hiahantera.

Matthaiga 27:4

Wena: Inke phini hagaja, wai‐phisha himantagra. Egi wairena: Jagu niauwishe? Hajash’unajegaja.

Johnga 18:33

Egi Pilatus shige woehi hojhieja hokewena, egi Jesus gigorna, egi wagena: Judra hung harninera nenineshe?