Johnga 19:11 - Winnebego Bible Portions 1907

¹¹ Jesus horniharna: Inke homashja washa hashininina hakirai‐shuruxurugnina, inke wangregi howaji hornik’uinanigi. Esge e hinushjahuhirena e washa woishanara hiraijera harninankshana.

Johnga 19:11 Referans Kwoze

Johnga 3:27

Johnga horniharna egi wena: Wankshigra inke washa hisha kirus‐ruxurugninana, inke wangregi howaji hok’uinanigi.

Hoixgara 2:23

E Maura rushjarehina wogus‐shjainja egi washa joweja hoiperes‐harnieja, shuruswina, egi nab wowong hiu naramiheja haraisarajwina egi d’erawina.

Hoixgara 3:13

Abraham egi Isaak egi Jakob Mau harninera, hianj‐hiwahiwira Mau harninera, glori‐gigirena Hinigra Jesus, E shurushja‐rerawina egi khibarawina Pilatus jowehieja jaja girushjanehina‐ira.

Johnga 7:30

Egi rus‐hiunjaxjinena, egi inke hisha nab‐rehinina, howagix earnira kheni higirenige esge.

Matthaiga 6:13

Egi inke washa woishana uwahieja hunutiwinina, eshi wowonkjega eja hingijirawige khishibwiwine. Hungmara Ne‐hashinigaja egi homashjara Ne‐hashinigaja, egi hoishagra Ne‐hashinigaja manegusra, Amen.

Hoixgara 4:28

Uinena, jagu nab hashinira egi wowewi hashinira jagu jornineja uinekje hirarera.

Matthaiga 27:2

Egi rusgij‐hiranaga nigeharni‐howarairena, egi mowagax hirukanara Pontio Pilato eja rushjarehirena.

Markga 14:44

Egi hisha himanaikjanera wijanti wagiungi wena: Hisha iwakhiwankjanera erena, ruswiaje egi shja harukos harnikarawiaje.

Johnga 18:3

Egi Judas manape hornihesha rus‐arnaga egi nabhoruxaj hirukana hungra egi Pharisera ware warninera hajirena hiratashakerehi‐rua egi hatasha harni egi wapahi harni.

Johnga 9:41

Jesus wawagena: Hishjaraninig harajegi, inke washa woishana nijuwininana. Eshi wa’sharajawina, wajhajena, esge washa woishana washiniwira hijarnankshana.

Lukga 22:53

Hambokahi wohokhu‐hojhixeteja harnikishu hauwina, inkaga hisha hinakisharawini nab renawinishunura, eshi howagix de‐e niashiniwina, egi hokawasra homashja harnira.

Matthaiga 26:65

Esge nabhoruxaj hirukana hungjega wainira kurugas‐shana, wena: Maura raxjashgunina, jagu‐u hijaira wihohi hiunkjawishe? Horuxujwire, Maura raxjashgunira hinaxguwingaja.

Johnga 18:13

Egi jorni Annas eja harni hahirena, Kaiaphas e hijoke wahina, Kaiaphas e nabhoruxaj‐hirukana hungra herenakshana ma‐egi.

Johnga 19:10

Esge Pilatus wagena: Hanke hunakit’arnikjaneshe? Jasge inke hinaperesnishe, homashja harnira naramiheja harnisarajnana, egi homashja harnira ningitushjareharnana?