Johnga 17:5 - Winnebego Bible Portions 1907

⁵ Egi shegunegi Jaji gloriawina nexji‐hashinina hiu, gloria e wagena harnikishu hau‐harniharegi kheni managre jinagni.

Johnga 17:5 Referans Kwoze

Johnga 10:30

Ne‐winianaga egi Jajiga hishankira harniwina.

Johnga 17:24

Jaji shesgekjena hajinja hauanjegi, woirak’una hishge eja wakishu haunkjena, gloria harnira hajairekjege e hunak’ura esge. Woiragixetegaja kheni managre jinagni.

Johnga 8:58

Jesus wawagena: Hisgexjina, hisgexjina hinigawina, kheni Abraham hereni, winena.

Johnga 1:18

Inkaga wankshigrisha Maura hajarnina, eshana Hinigrerege Hianjra mang‐hieja nakshana, hiperes‐wangahiwina.

Johnga 14:9

Jesus wagena: Hoja, sixji harnikishu hauwingaja, egi kheni hinaperesnishe? Philipra, hisha hinjagishi, Hianjihiwira hajawaunana. Jagu‐u wa’sheshe Hianjihiwira hingiwahawire?

Matthaiga 25:34

Egi Hungnaka hoishoroijananka wawagekjanena, guwire neninewina, Jajiga wogishawa wahira, managre jinagreja hungmara hirushja‐ningigirawira hashiniwina.

Johnga 3:13

Egi inke hisha wangregi hininana, eshana wangeja howajira, Wankshig‐hinigra wangeja herejena.

Johnga 17:1

Washa de‐e Jesus ena, egi wangeja horuxujshana egi wena: Jaji, howagixra jina Hinigraga gloriagiune, egi Hinigraga nishge glorianingigikjena.