Johnga 17:11 - Winnebego Bible Portions 1907

¹¹ Egi inke hinupahana manegi haunikjanena, eshi de‐e manegi uinekjanena egi hiranigikjanena. Jaji wakanjangra, rash hashinira wirakara hiuanje, jarnaga hunak’una, e hishankirairekjege hishankira hinina shesge.

Johnga 17:11 Referans Kwoze

Matthaiga 6:9

Egi deshesge gikarajra wawiaje: Hianjniwira wangregi shanagre rash hashinira wakanjank‐ningigirekjena,

Johnga 17:25

Jaji pixjina, managre inke hiniperesnina, de‐eshi hiniperes‐shana egi de‐e hiperes‐hirena Ne‐huinagigira.

Johnga 13:1

Egi Pasxa worujra kheni hereni, Jesus hiperessana howagix earnira jira, ma‐degi nige howakerekjanena Hianjra‐eja, wawogixetejena ewarnira manegi u‐nagra, wawogixetejena hoshejainja hipa.

Johnga 16:33

Washa de‐e hironikit’awishare, egi howahi rashguni sh’uwinana. Manegi washinohire horawekjanihawina, eshi wogishawahajanje, managre parnana.

Johnga 14:20

Hamb sheja hirapereskjanihawina Jajiga Ne‐wajhiajera, egi hunajhiharajera, egi hornijhihajera.

Hoixgara 3:21

E wangregi rus‐hirena, washara jarnagaki harnaj hoishibregi epa Maura horagshana prophet wakanjank warnira harnaj horag‐wagigina, managre jinagra epa.

Johnga 13:3

Jesus hiperesjena, Hianjra washara harnaj wok’una nab‐earnieja wogishuna, egi Maura eja howajira, egi Maura eja howakerekjanena.

Johnga 16:28

Hianjihiwira eja hurna, egi manegi hajina, egi shige managre hat’untekjanena egi Hianjihiwira eja wawakerekjanena.

Johnga 7:33

Esge Jesus wawagena: Jowexjinig harnikishu hauanjena egi hisha huingigira E wawakerekjanena.

Matthaiga 10:16

Horuxujwire jhasga hikisge shunkjang horogeja howare‐ningigiwina, esge wakha wowanaiksab hikisgawiaje, egi rujgesga hikisge inke waishjankeni.

Matthaiga 5:48

Esge wogisogji phiwianje, Hianjrawira wangreginagre wogisogji phinagra shesgawiaje.

Johnga 17:6

Rash hashinira hiperes‐waharna wankshigra jarnaga manegi horus woirak’una. She‐e Ne‐washinira, egi she‐e Ne‐woirak’una, egi hoit’e hashinira harninankshana.

Johnga 17:23

Wawajhina, egi hunajhina, e hishankiraxji hirekjege, egi managre hiperesjege Ne‐huinagigira, egi waworagixetena, woiragixetera shesge.