7 Hinapereswigishi, Jajiga hishge hiraperes‐wishgunina. Egi epa hirapereswinana, egi hashjawinana.
Egi wagairena: Hianjraga hajinja‐nakshe? Jesus horniharna: Inke hinaperes‐winigaja, hishge Jajiga inke hiraperes‐winigaja. Hinaperes‐wigishi, Jajiga hishge hiraperes‐wishgunina.
Washara harnaj hunkuna Jajiga. Egi inke hisha hiperesnina Hinigra peshe herera, eshi Hianjrashana hiperessana, egi inkisha hiperesnina Hianjra peshe herera, eshi Hinigrashana hiperessana, egi e hisha Hinigra hiperes‐hinana.
Hoit’e woirak’ura, she‐e wawak’una, egi warus‐hirena, egi wogisogji hiperes‐hirena eja wawajira, egi harnaxguinena Ne‐huinagigira.
Rash hashinira hiperes‐waharna wankshigra jarnaga manegi horus woirak’una. She‐e Ne‐washinira, egi she‐e Ne‐woirak’una, egi hoit’e hashinira harninankshana.
Egi wawagitagshana rash hashinina, egi wawagitaikjanena, egi wogixete she‐e hiwoiragixetera hojhirekjawige egi wawajhikjege.
Wawajhina, egi hunajhina, e hishankiraxji hirekjege, egi managre hiperesjege Ne‐huinagigira, egi waworagixetena, woiragixetera shesge.
E harnaj hishankirairekjege, Jaji hunajhira egi hornijhira shesge, egi hishge hishankirairegi wangojhirekjege, egi managre harnaxguinekjena Ne‐huinagigira esge.
Egi washa de‐e nigiuinekjanihawina, inke Hianjihiwira, egi Ne inke hinperes‐hirawinige esge.
Egi de‐e wankshighoi hisgejara herena, hiniperes‐hiregi, Mau wogisogra neshana ninera, egi Jesus Kristus E huragigira.
Horoghireja inke wore wagiunigi hijanera inke hisha shesge hinigi, inke washa woishana harni‐rarninarna, egi shegunegi hinjairawina, egi hinuwinke newinianaga Jajiga hakishu hunsh’ighirawina.
Inkisha Hianjihiwira hajarnina, eshana Maura eja howajira, E Hianjihiwira hajarna.
Inkaga wankshigrisha Maura hajarnina, eshana Hinigrerege Hianjra mang‐hieja nakshana, hiperes‐wangahiwina.
Washara harnaj hunkuna Jajiga, egi inke hisha hiperesnina Hinigra peshe herera, eshi Hianjrashana hiperessana. Inke shige hinkisha Hianjra hiperesnina, Hinigrashana, egi E higu peshe Hinigra hiperes‐hikjegi unana.