Johnga 12:5 - Winnebego Bible Portions 1907

⁵ Jagu‐u wikinipanna phi de‐e inke Denaria hogwihidani hiruwiniguni (ejaxji $45:00) egi wanajojaisgeja wogarnishe?

Johnga 12:5 Referans Kwoze

Lukga 18:22

Egi jaja Jesus washa de‐e naxgungi, wagena: Washaisha higu hinirujis‐rajena, washara jarnaga hashinigi wawikuruwine, egi wanajojaisgeja wawigiwenine, egi washa phira wangregi warakshu wash’unkjanena, egi hu‐arnaga hiroinagre.

Lukga 12:33

Jagu hashiniwingi, wikuruwiwine, egi wanajojaisgeja wawogawire, pa kik’uwianaga inkaga sh’agenikjena, washa jexira wangregi wakshuwire e inkaga horujisnikjena, eja inkaga wamanuke warus‐ruxurug‐hiranikjanena, egi shige inkaga wikiri washa‐waishgahiranikjanena.

Johnga 6:7

Philipga hornigiharna, Denaria hogihinup hikisge waisgabdujragi inke hina hiraninana harnaj xunuhinigshana rus‐hireshgunina.

Lukga 6:41

Jasgegaja hashjarajeguni rakhinubra noruxagnig nige hishjasu‐ejakhi, egi hishjasu hashinieja noikunug hishanka inke hashjarni?

Matthaiga 20:2

Egi jaja waranaka hamb‐hishara Denaria hisha (15 cents) hikisge khinegi, habsinsh max harnieja howarewagigina.

Matthaiga 18:28

Eshi ware e hihinabshana egi ware wakishura hisha hiena e Denaria hogihisha girushagra ($15:00) egi harukosanaga egi doxi‐horushgana, wena: Hirowe hingigire jarnaga hinagishurushagra.

Johnga 12:4

Egi hironaghirera hisha wena: Judas Iskariot Simon hinigra, erena hagregi himanakshana,

Johnga 12:6

De‐e inke wanajojaisgera najge wawoji warnina, eshi wamanukeisha herege esge, egi panra harninakshana, egi jagu hijoshurega g’injena.

Johnga 13:29

Judas panra harninake, esge Jesus wageguni, waruwirare washa worujeja hiunkjanihawigi, nigeshge wanajojaisgera washa wogakjege wageguni, hota hirairena.