Johnga 12:44 - Winnebego Bible Portions 1907

⁴⁴ Jesus uwana egi wena: Hisha harnaixgungi, inke Ne‐harnaixgu‐waunikjanena, eshi hisha huingigira E harnaxgu‐waunkjanena.

Johnga 12:44 Referans Kwoze

Matthaiga 10:40

Hisha niruswigi hirus‐waunkjanena, egi hisha hirusgi huingigira rus‐waunkjanena.

Johnga 13:20

Hisgexjina, hisgexjina hinigawina, higu peshe rushiregi, hirus‐wauinanana, egi hisha hirusgi huingigira ruswaunana.

Johnga 5:24

Hisgexjina, hisgexjina hinigawina, hisha hoit’e harnira naxgungi, egi hisha huingigira E harnaxgungi wankshighoi hisgeja unkjanena, egi inke washinohire howe hireja hinikjanena, eshi hot’era haixarnaga egi wankshighoi hisgeja unkjanena.

Markga 9:37

Higu peshe ninkjangnig deshesgera hisha rusgi rash harnira hawau waungi hirus‐waunana, egi higu peshe hirusgi inke ne hirus‐wauni eshi hu‐ingigira rus‐waunana.

Johnga 7:28

Egi Jesus mashja hit’et’ena wohokhu‐hojhixeteja washa wagigusjena, ena: Hinaperes‐harajawina egi hiraperes‐harajawina hajinja wawajira. Egi inke Ne kik’uwauanjinina, eshi E huingigina wogisogra herena, E inke hirapereswinina.

Johnga 11:43

Egi she‐shesge e‐gaja, uwana wahoxete: Lasarus hihinabre.

Markga 9:23

Jesus wagena: Harnaxgu shuruxurugkhi, hisha harnaxgungi washara harnaj ruxurugnana.