Johnga 1:51 - Winnebego Bible Portions 1907

⁵¹ Egi wagena: Hisgexjina, hisgexjina hinigena, howarehire wangregi gihas hashjakjanihawina egi Maura waxopiniwarajire warnira hogitinagikjanena egi hanukanag‐nagikjanena, Wankshig‐hinigra wanghiregi.

Johnga 1:51 Referans Kwoze

Hogusra 28:12

Egi washin hantena, egi horuxujre mainja hirotisha kererena, egi hissawara wangeja hirakerena. Egi horuxujre Maura waxopini‐warajire warnira harnukanag‐nankshana egi hogiti‐nankshana.

Hoixgara 7:56

Egi wena: Horuxujwire, maxira ruhas hajharna egi Wankshig‐hinigra Maura nab‐hoishorohieja nashinjena.

Lukga 22:43

Egi waxopiniwarajireisha jantigikhina wangregi howaji himashjahire.

Lukga 2:13

Egi higuana waxopiniwarajirajega wakishu worohaxji waxopiniwarajirera wangregi howajina, Maura rajanknankshana egi wairena:

Markga 14:62

Egi Jesus wena: Newinena, egi Wankshig‐hinigra hashjakjanihawina homashjara hoishoro‐hieja minagnaikjanena egi wangregi maxiwieja jikjanena hashjakjanihawina.

Markga 1:10

Egi higuana nieja anjinakshana wangregi ruhas‐hire hajarna egi Naxiragra rujgesga hikisge harnukanag hurna egi hasherena.

Matthaiga 3:16

Egi jaja Jesus ni‐hawaxuinegi, higuana nieja anjinakshana. Egi horuxujre, wangregi giruhas hirena, egi Maura Naxirag harnira harnukanag‐hu hajarna, rujgesga hikisge, egi hasherena.

Hoixgara 10:11

Egi maxira ruhas hajarna egi woshuisha harukanag hugi hirajina, waiperi xetehi nige hopasse hijopihike rusgijra ere egi manegi jinag‐hirena.

Lukga 3:21

Egi jaja wankshigra harnaj ni‐wawaxuinegi, egi herena Jesus hishge ni‐hawaxuinena, egi Maura gikarajjau, wangregi gihas‐jijena,

Matthaiga 4:11

Egi waxopinishishigra t’unakerena, egi horuxujre waxopiniwarajire hirajiranaga egi wagirairena.

Lukga 2:9

Egi horuxujre, Hirukanara waxopiniwarajire warnira hisha wirajina, egi Hirukanara hohambji harnira hatasha hirakere wahina, egi naxirera rokanainena.

Johnga 10:1

Hisgexjina, hisgexjina hinigawina, hisha inke jhasga‐hojhi jhirobeja hokawarnigi, eshi hijahi nige hoti‐hokewegi, e wamanukeisha egi wankshig‐d’ehikeisha herenana.

Lukga 22:69

Epa Wankshig‐hinigra Maura homashja harnira hoishoro hieja minaikjanena.

Matthaiga 25:31

Jaja Wankshig‐hinigra gloria harnieja jigi egi waxopiniwarajira harnaj wakishu, shejanagi glori hungwaminag harnieja minaikjanena.

Johnga 14:12

Hisgexjina, hisgexjina hinigawina: Hisha harnaixgungi, hishge wore jagu haune, unkjanena, egi e wore hiraijera xete unana, de‐e xununana, Jajiga eja wawakerekjanege esge.

Johnga 6:47

Hisgexjina, hisgexjina hinigawina, hisha harnaixgungi wankshighoi hisgeja unana.

Lukga 24:4

Egi herena de‐e wowewiharejirena, horuxujre, wangra nupi nashianjena waini rukanakanap‐u.

Matthaiga 26:24

Wankshig‐hinigra wowagaxeja jasge wagaxhirera eowakshana eshi hawekjanena wang‐jagura hisha Wankshig‐hinigra himanakhi, wang she‐e phi howarnana inkaga wankshig‐iningishi.

Johnga 21:18

Hisgexjina, hisgexjina hinigena: Warnijegregi nehikipirag rakhishununa, egi hajinja raiphinga horawashere‐shununa, jaja nishagkhi, ara shawajiki, egi hijanera hisha hikipirag‐ningigikjanena, egi ninutikjanena inke eja howarera raiphinishge.

Johnga 8:51

Hisgexjina, hisgexjina hinigawina, hisha hoit’e hihare hingiungi inke hot’e hajarnikjanena manegus.

Johnga 6:32

Egi Jesus wawagena: Hisgexjina, hisgexjina hinigawina, Mosesga inke waisgab she‐e wangeja howaji hornik’uwinina, eshi Jajiga waisgab wogisog hornik’uwina wangregi howaji.

Johnga 3:5

Jesus horniharna: Hisgexjina, hisgexjina hinigena, inke hisha ni egi shige Naxirag wankshighi‐inigi inke Maura hungma harnira eja hokewe ruxurugninana.

Johnga 16:20

Hisgexjina, hisgexjina hinigawina: Raxaikjanihawina egi irajashinikjanihawina, eshi managre wogishawakjanena, egi najgerategra ronikanankjanihawina, eshi najgeteg hashinira hahi wogishawakjanena.

Johnga 13:16

Hisgexjina, hisgexjina hinigawina: Warera inke e hiraijera xeteninankshana hirukana harninera, egi hisha nige howaregigiregi inke e hiraijera xeteninana, nigehowarewagigijega e hiraijeranana.

Johnga 10:7

Egi shige Jesus wawagena: Hisgexjina, hisgexjina hinigawina, jhasga jhirobra Newinena.

Johnga 6:53

Egi Jesus wawagena: Hisgexjina, hisgexjina hinigawina, inke Wankshig‐hinigra rora rajwinigi egi wa‐ira sharajgawinigi, inke wankshig‐shiwininana.

Johnga 5:27

Egi homashjara hokarak’una woehi una Wankshighinigra erege esge.

Johnga 5:19

Jesus horniharna egi wawagena: Hisgexjina, hisgexjina hinigawina, Hinigra exji inke washa u‐nuxurugnina, Hianjra jagu u‐anjaga washanisha unga, de‐e hishge Hinigra unjena.

Johnga 3:3

Jesus horniharna egi wagena: Hisgexjina, hisgexjina hinigena, inke shige wankshigrisha wankshig‐inigi, inke Maura hungma harnira hajarnikjanena.

Matthaiga 9:6

Eshi hiraperes‐hikjawige wankshig‐hinigra homashja harnijera manegi washa woishana wagitunajena, (esge howasha ro‐t’eganka wagena) nashianaga, homig hashinira kurusge egi jhi‐hashinieja howakarare.

Matthaiga 8:20

Egi Jesus wagena: Washerekesira mopox harninankshana egi wanig wangregi herera homa harninankshana, eshi wankshig‐hinigra inke washanisha harninina hajinja nassura khanaikje‐nisgena.

Johnga 16:23

Egi hamb‐eja inke washara hisha hinagishawaxnikjanihawina. Hisgexjina, hisgexjina hinigawina: Jagurisha Hianjihiwira ragitawigi rash harnira sharajwigi, hornikunkjanihawina.

Johnga 13:38

Jesus hornigiharna: Shegu ne hinshjekjaneshe? Hisgexjina, hisgexjina hinigena, kheni bagawaxgewangra xagni, daniha khibainakhikjanena.

Johnga 8:58

Jesus wawagena: Hisgexjina, hisgexjina hinigawina, kheni Abraham hereni, winena.

Johnga 8:34

Jesus wornigiharna: Hisgexjina, hisgexjina hinigawina, higu peshe washa woishana ungi, washa woishana warnihi waunjanana.

Johnga 6:26

Jesus wornigiharna egi wena: Hisgexjina, hisgexjina hinigawina, hunaniharajane inke wowakanjang haura hashjawira esge wash’uwini, eshi waisgab horok’in rajwira egi wa’ininajwira esge wash’urajiwina.

Johnga 1:50

Jesus horniharna egi wagena: Fig‐najera khuhainja shu‐shawangreja harnijharna hi‐ni‐gera, esge harnainaxgushe? Washara hiraijera hashjakjanena.