Johnga 1:45 - Winnebego Bible Portions 1907

⁴⁵ Philipga Nathanael hiena egi wagena: Hiaewina Moses woehieja wagaxnihera egi shige prophetra, Jesu Nasaretheja herera Joseph hinigra.

Johnga 1:45 Referans Kwoze

Lukga 24:27

Egi Mosesga epa arena egi prophetra harnaj e wowagaxra harnaj wijanti wawogiragshana, jagushana higaire wagaxankhi.

Matthaiga 2:23

Egi hiarnaga egi jhinag hisha Nasareth higairera eja jhina. Exji herekjege, jagu prophetra airanihera, E Nasaren‐hisha higairekjanena.

Lukga 24:44

Egi wawagena: Hoit’era de‐e hererena, hironikit’awira harnikishu hauanjeregi, washara harnaj exji herena e Mosesga woehi harnieja wagaxangra, egi prophetra egi Psalmra‐eja newaigairera.

Lukga 4:22

Egi harnaj giphineshe higairena, egi khorairena hoit’e phixji i‐harnieja axebhiga. Egi wairena: Inke de‐e Josephga hinigra herenishe?

Johnga 18:7

Egi shige wawigiwaxshana: Peshe horani harajeshe? Egi wairena: Jesus Nasareth‐eja herera.

Hogusra 22:18

Egi su hashinieja howahi wankshig hokirajra harnaj maneginankhi washophi howairekjanena, ho‐arnira harnainagixgunge esge.

Markga 6:3

Jasge inke de‐e jhi‐unga herenishe, Maria hinigra, Jakob egi Joses egi Juda egi Simon wakhinubra, jasge inke hinugwajabra hiwakishu hiunianjeshe? Egi howashere‐hirena.

Matthaiga 21:11

Egi worohanka wairena: De‐e Jesus prophet Nasareth‐eja herera herena Galilea mowagax‐eja.

Hogusra 49:10

Skeptra inke Juda khirujarni‐kjanena egi shige woehi wogara inke si hojakenainja khirujarni‐kjanena Shiloh jigi ejipa, wankshigra she‐e harnaxguinekjanena.

Hogusra 3:15

Egi hokikjekijab ninkjanihawina nenine‐anaga egi hinugjane, egi su washinira egi hinugjane su warnira. Egi nassu hashinira nanixux‐hirekjanena, egi sikerejgeja hasharaxjaikjanena.

Hoixgara 22:8

Egi horniaharna: Peshe nineshe, Hirukanara? Egi waigena: Newinena Jesus Nasaretheja herera, E hiraishana nanash’ina.

Hoixgara 10:38

Jasge hounahira Maura Jesus Nasareth‐eja herera Naxirag Wakanjangra hawaxuna egi homashjara, E rarnaga washophi una egi harnaj rushjawahina jarnaga waxopinishishig hawe‐hiuankhi, Maura hakishu unjege esge.

Johnga 21:2

Eja stoirena Simon Peter egi Thomas Didimus hagairera egi Nathanael Kana heresha Galilea mowagaxeja, egi Sebedai hinigwahira egi wironag hijanera nupiwi.

Lukga 2:4

Egi Josephga hishge rena Galilea mowagaxeja howahi, jhinag Nasareth eja Judea mowagaxeja howarena Dawid jhinag harnieja Bethlehem higairera, Dawid e washahina eojhieja herege esge.

Markga 14:67

Egi jaja hinugjega Peter tashjuj‐khinjau hajagi, horuxuj‐shana egi wena: Nishge ne Jesus Nasareth‐eja herera harakishu‐shuna.

Matthaiga 13:55

Jasge inke de‐e jhi‐unga hinigra herenishe? Jasge inke hiunira Maria higairanishe? Egi wakhinubra Jakob egi Joses egi Simon egi Judas wigairanishe?

Hoixgara 26:9

Nishge shesge hiarena, washara roha Jesus Nasaretheja herera rash harnira hagikira phiani hiarena.

Hoixgara 3:6

Egi Peter wena: Shurasgara egi shurasira hijushgunina, eshi jaguisha harnira hornik’unkjanena: Jesus Kristus Nasaretheja herera rash harnira hiu, nashine egi manine.

Hoixgara 2:22

Israel wangra hoit’e de‐e warnaxguwine: Jesus Nasaretheja herera, wang de‐e Maura wogisoghina horograwiregi woshga rokana una, egi wowakanjank, egi woijanti una Maura E ungigina, nishge hiraperes‐harajawina,

Johnga 19:19

Egi Pilatus horagra wagaxshana, naramihe hihageja t’umpshana, egi wagaxra de‐erena: Jesus Nasaretheja herera, Judra hung harninera.

Johnga 18:5

Hornigihairena: Jesus Nasareth‐eja herera. Jesus wawagena: Newinena. Egi Judas himanaikjanera hishge wakishu nashinjena.

Johnga 6:42

Egi wairena: Inke Jesus de‐e Josephga hinigra herenisha, hianjra egi hiunira hiwiperes‐wigaja, jasgegaja weguni wangregi wawajina are?

Lukga 3:23

Egi Jesus ma kerepana‐daniha harena Josephga E hinig higuni hirairena, Joseph Heli e hinigra herena,

Matthaiga 10:3

Philip egi Bartholome, Thomas egi Matthai publikan hisha herena. Egi Alphe hinigra Jakob, egi Labbe e rash hinup harnira Thadde higairena.

Lukga 2:48

Egi jaja shagwahira hajairegi khorairena egi hiunira wena: Hinighaxji, jagu‐u wairagish’uishe? horuxujre hianjraga egi ne najgerateg horninihajawina.

Johnga 1:44

Philipga Bethsaida eja herena egi Andreas egi Peter hishge jhinak eja hererena.

Johnga 6:5

Egi Jesus jambshana, egi wajarna worohaxji eja hahuhairegi, Philipga wagena: Hajinja waisgabduj hinuwinkjanihawishe, de‐e waruj‐hiranana?

Johnga 6:7

Philipga hornigiharna, Denaria hogihinup hikisge waisgabdujragi inke hina hiraninana harnaj xunuhinigshana rus‐hireshgunina.

Johnga 12:21

E wauinena Philip hirahirera Bethsaida jhinageja hereisha, Galilea mowagaxeja, egi rogiguinena wairena: Hirukanara Jesus hajha rowaguwina.

Johnga 14:8

Philipga wagena: Hirukanara Hianjihiwira hingiwahawire, egi e haiphiwinana.

Lukga 18:37

Egi hogiraghirena, Jesus Nasaretheja herera eegi howakshana.