Johnga 1:4 - Winnebego Bible Portions 1907

⁴ E wankshighoina herena, egi wankshighoi de‐e hohamb wagigina wankshigra.

Johnga 1:4 Referans Kwoze

Johnga 8:12

Egi Jesus shige hit’et’era wawagena: Manegirera hohambra Newinena. Hisha hiroinakhi inke hokawaseja maninikjanena, eshi homamb wankshighi‐ihakjanena.

Johnga 12:46

Managre eegi hohambra Newine hajina, higu peshe harnaixgungi inke hokawaseja unjanikjanena.

Johnga 5:26

Hianjihiwira hikisge wankshighoira exji harninagra herenakshana, shesge Hinigra hokarak’una wankshighoira exji harnijena.

Johnga 9:5

Manegi jajaixji haungishi, managre eegi hohambra Newinena.

Johnga 11:25

Jesus hinugjega wagena: Wankshig‐hakhihara Newinena, egi wankshighoira. Hisha harnaixgungishi, d’egishge, niambikjanena.

Johnga 14:6

Jesus wagena: Nagura Newinena, wogisogra egi wankshighoira. Inke hisha Hianjihiwira hirahininana, eshi Neshana eegi huwegishana herenana.

Johnga 12:35

Egi Jesus wawagena: Hohambra jowexjinig harnikishu u‐anjena. Maniwine hohambjeregi, ningete hornikawas‐wiege. Hisha hokawaseja manigi, hajinja howarahegi inke hiperesninana.

Matthaiga 4:16

Wankshig de‐e hokawasrogeja minagnagra hohamb xete hajairena, egi jarnaga ma‐sheja egi hot’e hoirahasieja minagnankhi hohamb jinaghirena.

Hoixgara 26:23

Kristus jasgegi hawekjanena, egi E jornixji d’arnagra eja niamb‐howakirikjanera, egi wankshigra egi hirarujeja herera hohamb wagigikjanera.

Lukga 2:32

Hohambra hirarujeregi herera hohamb wagigikjanena, egi wankshig washinira Israel warajankhirekjanena.

Johnga 5:21

Egi Hianjihiwira d’era kikawa‐awahigi egi niambwahigi, hishge Hinigra peshe giphingi niamb‐hikjegi unana.

Johnga 3:19

De‐e washoirohire howera herena, hohambra manegi jira egi wankshigra hokawasra e hiraijera wogixete hirena, hohambra hagkererena, woshga warninera shishighirege esge.