Johnga 1:31 - Winnebego Bible Portions 1907

³¹ Egi E inke hiaginina. Egi E Israel hiperes‐hirekjege esge hajina ni‐wagiuhajena wapaxuhajane.

Johnga 1:31 Referans Kwoze

Lukga 1:17

Hirukanara jowehieja howarekjanena, naxiragra egi homashja Elias harnira, hianjwahirera najge warninera hakja ninkjang warnineja howakere‐wahikjanena, egi inke harnaxguiranira hakja hophieja wowanaiksabra horus‐wahikjanena. Hikoroho wagigikjanena wankshigra, Hirukanara hirushja‐gigikjanena.

Johnga 1:33

Egi E inke hiaginina, eshi Hisha ni‐wawaxu huingigira E waigena: Naxiragjega wangeja howaji hashjagi egi peshe hihageja hashegi erekjanena hingena egi eja hiushakjanena, erena Naxirag Wakanjangra wawaxukjanera.

Johnga 1:7

Wang she‐e woragjina Hohambjega horagjina wankshigra harnaj eja howahi harnaxguinekjege.

Matthaiga 3:6

Egi Jordan‐eja niwawaxuna egi washa woishana warninera wokaraghirena.

Hoixgara 19:4

Egi Paulus wena: Hisgexji Johnga ni‐wawaxuna najge‐karategra ni‐wawaxu harninera hiu, wankshigra wawagena: Hisha hiroinag jikjanegi harnaxguinekje, Kristus Jesus herejena.

Matthaiga 3:13

Egi shejananegi Jesus Galilea‐eja howajina, Jordan‐eja jina, Johnga hirajina, ni‐hawaxu‐hirekjege.

Johnga 1:30

De‐e erena, hisha wagera, hagharegi wangisha jikjaneshe hihera, E jornineja herena, E jorni hereanaga hagregi winege esge.

Johnga 1:32

Egi Johnga woragra harnijina, wena: Naxiragra hajharna wangregi howajina rujgesga‐nisge egi hihageja hiwusharna.