Johnga 1:26 - Winnebego Bible Portions 1907

²⁶ Johnga wawagena: Ni‐wagiuhajena wapaxuhajane, eshi horograwieja hisha nashinjera, she‐e inkiragiwinina.

Johnga 1:26 Referans Kwoze

Hoixgara 1:5

Johnga hisgexji ni wagiuna wawaxura, eshi Naxirag Wakanjangra harni‐waxunkjanihawina inke hambra rohani epa.

Lukga 3:16

Johnga horniharna egi harnaj wawagena: Hisgexji ni‐wagiu hajena harnipax‐uanjane, eshi hisha hiraijerana hajire, waguje sika harnira inke girushge duxurugnina inke washa hiakisgarni hajege esge. E Naxirag Wakanjangra harniwaxun‐kjarnihawina egi pej hirassa.

Markga 1:8

Hisgexji ni wagiu hajena harnipaxu hajane, eshi E Naxirag Wakanjangra harniwaxu‐kjanihawina.

Matthaiga 3:11

Hisgexji ni wagiu hajena harnipaxu hajane, washa woishana najgekarateg, eshi hisha hiroinag jira, hiraijera mashjana, hotujis‐shana, E waguje harnira inke wagarniu hiakisgarnina, E Naxirag Wakanjangra harniwaxukjanihawina, egi pej hirassa.

Johnga 8:19

Egi wagairena: Hianjraga hajinja‐nakshe? Jesus horniharna: Inke hinaperes‐winigaja, hishge Jajiga inke hiraperes‐winigaja. Hinaperes‐wigishi, Jajiga hishge hiraperes‐wishgunina.

Hoixgara 11:16

Egi Hirukanara hoit’e harnira pewina jagu era: Johnga hisgexji ni‐wagiuna wawaxuna, eshi ne Naxirag Wakanjangra washawa‐xunkjanihawina.

Johnga 17:25

Jaji pixjina, managre inke hiniperesnina, de‐eshi hiniperes‐shana egi de‐e hiperes‐hirena Ne‐huinagigira.

Johnga 17:3

Egi de‐e wankshighoi hisgejara herena, hiniperes‐hiregi, Mau wogisogra neshana ninera, egi Jesus Kristus E huragigira.

Johnga 16:3

Egi washa de‐e nigiuinekjanihawina, inke Hianjihiwira, egi Ne inke hinperes‐hirawinige esge.

Matthaiga 3:6

Egi Jordan‐eja niwawaxuna egi washa woishana warninera wokaraghirena.

Hoixgara 19:4

Egi Paulus wena: Hisgexji Johnga ni‐wawaxuna najge‐karategra ni‐wawaxu harninera hiu, wankshigra wawagena: Hisha hiroinag jikjanegi harnaxguinekje, Kristus Jesus herejena.