Johnga 1:18 - Winnebego Bible Portions 1907

¹⁸ Inkaga wankshigrisha Maura hajarnina, eshana Hinigrerege Hianjra mang‐hieja nakshana, hiperes‐wangahiwina.

Johnga 1:18 Referans Kwoze

Johnga 6:46

Inkisha Hianjihiwira hajarnina, eshana Maura eja howajira, E Hianjihiwira hajarna.

Matthaiga 11:27

Washara harnaj hunkuna Jajiga, egi inke hisha hiperesnina Hinigra peshe herera, eshi Hianjrashana hiperessana. Inke shige hinkisha Hianjra hiperesnina, Hinigrashana, egi E higu peshe Hinigra hiperes‐hikjegi unana.

Lukga 10:22

Washara harnaj hunkuna Jajiga. Egi inke hisha hiperesnina Hinigra peshe herera, eshi Hianjrashana hiperessana, egi inkisha hiperesnina Hianjra peshe herera, eshi Hinigrashana hiperessana, egi e hisha Hinigra hiperes‐hinana.

Johnga 17:26

Egi wawagitagshana rash hashinina, egi wawagitaikjanena, egi wogixete she‐e hiwoiragixetera hojhirekjawige egi wawajhikjege.

Johnga 17:6

Rash hashinira hiperes‐waharna wankshigra jarnaga manegi horus woirak’una. She‐e Ne‐washinira, egi she‐e Ne‐woirak’una, egi hoit’e hashinira harninankshana.

Johnga 14:9

Jesus wagena: Hoja, sixji harnikishu hauwingaja, egi kheni hinaperesnishe? Philipra, hisha hinjagishi, Hianjihiwira hajawaunana. Jagu‐u wa’sheshe Hianjihiwira hingiwahawire?

Johnga 1:14

Egi Hoit’era hahi rona, egi horogregi jhina, gloriara hagija hajawina gloria she‐e eshanaherena Hianj‐hirera harnira, najwojana egi wogisogra rokana.

Johnga 12:41

Washa de‐e Esaias wena, jaja gloria hagijagi, egi haehina.

Hogusra 16:13

Egi Hagar Jehowa rashra rajshana E hokit’era Mau wajaranina esge wena: Nishge eegi haunagre hajaphianiguni wajanagra.

Hogusra 18:33

Egi Jehowa kerena, Abraham hokit’era rashjangi. Egi Abraham jhieja howakerena.

Johnga 13:23

Egi Jesus hironag warnira hisha hakikawaxingankshana mang‐eja, she‐e Jesus wogixetena.

Johnga 3:11

Hisgexjina, hisgexjina hinigena, washara hisha hinpereswiga horagwishununa, egi washara hisha hajawiga horagwishununa, egi inke shurus‐niharajena worag harniwira.