Johnga 1:14 - Winnebego Bible Portions 1907

¹⁴ Egi Hoit’era hahi rona, egi horogregi jhina, gloriara hagija hajawina gloria she‐e eshanaherena Hianj‐hirera harnira, najwojana egi wogisogra rokana.

Johnga 1:14 Referans Kwoze

Johnga 1:1

Jegjikerehigi Hoit’era ejanakshana, egi Hoit’era Maura eakishu una, egi Hoit’era Maura erena.

Johnga 6:51

Waisgab niambra Newinena, E wangregi howajina, hisha waisgab de‐e rujgi manegus niaimbjanena, egi waisgab hornik’unk‐jarnihawire ro harnira herena, E wagakjanena maneginagre wankshighi‐inekjanena.

Johnga 11:40

Jesus hinugjega wagena: Inke hornigitagnishe, harnainaxgungishi Maura gloria harnira hashjakjanena hinigeshare?

Johnga 3:16

Hisgexji Maura managre wogixetera deshesgena, Eshana Hinigra herera wogarna, higu peshe harnaxgungi inke d’arnikjanena, eshi wankshighoi hisgeja unkjanena.

Johnga 2:11

Jesus wowakanjangra jegjikerehina Kanainja Galilea mowagaxeja, egi hiperes‐hirekhi gloria harnira, egi hironagananka harnaxguinena.

Johnga 14:6

Jesus wagena: Nagura Newinena, wogisogra egi wankshighoira. Inke hisha Hianjihiwira hirahininana, eshi Neshana eegi huwegishana herenana.

Johnga 14:9

Jesus wagena: Hoja, sixji harnikishu hauwingaja, egi kheni hinaperesnishe? Philipra, hisha hinjagishi, Hianjihiwira hajawaunana. Jagu‐u wa’sheshe Hianjihiwira hingiwahawire?

Lukga 9:32

Egi Peter egi jarnaga wakishuhiga shjuwana howashaxjinena, egi jaja hikhinegi, gloria harnira hagijairena egi wangra nupiwi hakishu nashinjena.

Johnga 17:22

Egi gloria hunak’una, she‐e wawagarna, e hishankirairekjege, hishankira hinina shesge.

Johnga 3:18

Hisha harnaxgungi inke washinohire howanikjanena. Eshi hisha inke harnaxgunigi washinohire howagininana, Maura Hinigra eshana herera rashra inke harnagixgu‐hiranige esge.

Lukga 2:11

Dawid jhinag harninegi hamb de‐e wankshig‐hoi ruxurughisha wankshigningi‐iwina Kristus Hirukanara erena.

Matthaiga 1:16

Egi Jakob Joseph hagarninena Maria hikanara, eja Jesus harninena E Kristus higairena.

Lukga 2:7

Egi hojinjinig hisha eja jeg harnira, egi hiroru hirowejainena egi wanoijge worujeja hot’umbhirena, hikiwarehojhira hokira‐shirirege esge.

Hoixgara 13:33

Maura karak’una wangagiuwina ninkjang warninera, Jesus niamb‐higa karak’u wauna. Psalm hoe‐hinubeja shesge wagaxankshana: Ne Hinignira, hamb de‐e harninina.

Johnga 8:32

Wogisogra hiraperes‐hikjanihawina, egi wogisogra hikikurukana nigiunkjanihawina.

Johnga 17:24

Jaji shesgekjena hajinja hauanjegi, woirak’una hishge eja wakishu haunkjena, gloria harnira hajairekjege e hunak’ura esge. Woiragixetegaja kheni managre jinagni.

Johnga 18:37

Esge Pilatus wagena: Hung ranishgunishe? Jesus horniharna. Hisgewa’shena hung harnina. Deshesge wankshigha‐ina, egi deshesge hawau manegi hajina, wogisogra hotaikjege. Jarnaga wogisogkhishi hora naixguinena.