Johnga 1:12 - Winnebego Bible Portions 1907

¹² Eshi jarnaga rusra, she‐e homashja wogarna Maura hinig wahikjanena, jarnaga rash harnira harnaxgungi.

Johnga 1:12 Referans Kwoze

Johnga 3:18

Hisha harnaxgungi inke washinohire howanikjanena. Eshi hisha inke harnaxgunigi washinohire howagininana, Maura Hinigra eshana herera rashra inke harnagixgu‐hiranige esge.

Matthaiga 10:40

Hisha niruswigi hirus‐waunkjanena, egi hisha hirusgi huingigira rus‐waunkjanena.

Johnga 20:31

De‐eshi wagaxankshana, harnanaxgunkjawige Jesus she‐e Kristus herejena, Maura Hinigra, egi harnanaxguwigi wankshig‐shinkjanihawina rash earnira hiu.

Matthaiga 12:21

Rash earnira hiuinarnaga hirarujeja herera woinashi juinekjanena.

Hoixgara 3:16

Egi rash earnira, harnaxgunge wauna egi rash earnira hiu wang de‐e shja hirare, e hashjarajena egi hiragiwina, harnaxgu wangagiuwina waunge de‐e rushjaxjina jowerawiregi unjane.

Johnga 11:52

Egi inke wankshig she‐eshana, eshi hishge harnaj stoiranaga hishankira Maura E ninkjang warnikjanena, jarnaga hoeragra.

Johnga 1:7

Wang she‐e woragjina Hohambjega horagjina wankshigra harnaj eja howahi harnaxguinekjege.

Matthaiga 18:5

Egi higu peshe ninkjangnig deshesgera hisha rusgi rash harnira hawau waungi hirus‐waunana.

Johnga 2:23

Shegunegi Jerusalem eja hira Pasxa worujeja, roha harnaxguna rash harnira, hajairera wowakanjank una.

Johnga 1:11

E‐warnige wirajina, egi ewarninunige inke rus‐hiranina.