Hoixgara 8:12 - Winnebego Bible Portions 1907

¹² Eshi jaja Philipga harnaxguinegi, e washa Maura hungma harnira wihokhungi egi Jesus Kristus rash harnira wihokhungi wangra egi hinugra nihawaxuine khinena.

Hoixgara 8:12 Referans Kwoze

Hoixgara 2:38

Egi Peter wawagena: Najgera‐karategwire egi harnaj ni‐awaxuine‐khiwine Jesus Kristus rash harnira hiu, washa woishanara warnigit’unairekjanihawina, egi Naxirag Wakanjangra hornik’uinekjanihawina.

Hoixgara 1:3

E shige niambra wagi‐kikawaharna hawarnaga hageja wijanti‐khira roha hiu. Hajairena hambra kerepanajopaha, egi Maura hungma harnieja washara roha ena.

Matthaiga 28:19

Esge rawianaga egi wankshig‐hokirajra harnaj washa wagiguswire, niwawaxuwianje Hianj‐hirera rash harnira hiu egi Hinigra egi Naxirag wakanjangra.

Hoixgara 2:41

Egi jarnaga hoit’e harnira gigiphinegi rus‐hirena niwawaxuinena. Egi hamb‐eja naxiragra hogihixete dani hijornashina.

Hoixgara 28:31

Maura hungma harnira wawihokhunjena, egi Hirukanara Jesus Kristus washa jagu higairegi wagigusjena inke nuwangni, egi inke hisha rogixinina.

Hoixgara 20:25

Egi horuxujwire shegunegi, hiaperessana harnaj inke hinupahana hishjaharnira hashjarnikjanihawina, jarnaga Maura hungma harnira hihornikhuwira.

Hoixgara 20:21

Wa’howakhuna Judra egi shige Hellenistra Maura eja hapahi najgera karateg hirekjege egi Hirukana harniwira Jesus Kristus harnaxgu hirekjege.

Hoixgara 18:8

Egi Krispus wohokhu‐hojhi hirukanara herena Hirukanara harnaxguna hojhira harnaj wakarakishu. Egi Korinth wankshigra roha naxguankshana harnaxgunakshana, egi ni‐wawaxuhirena.

Hoixgara 11:20

Egi hota Kiprus eja here hirena egi Kirene eja, e jaja Antiox‐eja hajiregi, hishge Hellenitra wawokit’airena, Hirukanara Jesus wawi‐hokhuinena.

Hoixgara 5:14

Egi harnaxgura hiraijera hija hornashi harairena Hirukanara eja, wangra egi hinugra worohaxji.

Lukga 9:60

Jesus wagena: D’arnanka d’era wakaraxairekjena, eshi Maura hungma harnira wihokhu rare.

Lukga 9:2

Egi Maura hungma harnira wihokhu rewagigina, egi howashara rushjawahi.

Hoixgara 8:4

Eshi jarnaga hijahi hoeraka harnaj howarairanaga hoit’era wihokhunankshana.

Hoixgara 19:5

Jaja de‐e naxguinegi Hirukanara Jesus rash harnira hiu ni‐wawaxu hirena.