Hoixgara 6:5 - Winnebego Bible Portions 1907

⁵ Egi jagu airega worohanka harnaj giphina. Egi Stephan gijainena, wang harnaxgura egi Naxirag Wakanjang hoixjisha herena. Egi Philipga egi Proxoraga egi Nikanoraga, egi Timonaga egi Parmenaga egi Nikolaga proselit hisha jhinag Antiox‐eja hereisha.

Hoixgara 6:5 Referans Kwoze

Hoixgara 11:24

E wang phisha herena egi Naxirag Wakanjangra hoixji egi harnaxgura. Egi wankshigra rohaxji Hirukanara eja hornashina.

Hoixgara 21:8

Egi haininegi Paulus egi jarnaga wakishunanka wakishu hakarawina egi Kesarea‐eja hagiwina, egi Philip Ewangelist hisha herera hojhieja wakawawina, e wishagowina hisha herena egi hakishu hipushawina.

Hoixgara 6:8

Egi Stephanga harnaxgura egi homashjara hoixjinjena, egi wowakanjank egi woijanti rokana wankshighorogeja unjena.

Hoixgara 7:1

Egi nabhoruxaj hirukana hungra wena: Washa de‐e shesgeshe?

Hoixgara 6:3

Esge hikhinubwira wangra shagowi hokiruxujwire wang wogisog hireshe wigairegi egi Naxirag Wakanjang hoixjira, egi wowanaiksab hoshura, e wore de‐e hirakara hiwagigikjawina.

Hoixgara 13:1

Egi Antiox‐eja prophet egi wawagaxhajawagigi wohokhu‐hojhieja nangra Barnabas egi Simon Niger higairena egi Lukius Kirene‐eja hereisha, egi Manaen e Herodes tetrarxra hakishu xetena egi Saulus.

Hoixgara 11:19

Egi hoere hiranihera Stephan hawehirera she‐e hawau, Phoenike ejipa hikiwarera hahirena, egi Kiprus egi Antiox, hoit’era wihokhu hirena, Judrashana.

Hoixgara 6:10

Inke hakira ruxurug‐hiranina wowanaiksab egi naxirag wirokit’ajege.

Hoixgara 15:22

Egi Apostelra egi xetera egi wahokhu‐hojhira harnaj hirairena, wang gijainekje hornihe warnineja egi Antiox‐eja howare‐wagigirekjege Paulus egi Barnabas wakishu. Rashra warajirena: Judas, rash hinup harnira Barsabas higairera, egi Silas, e wang xetera herena wakhinub horogeja.

Matthaiga 23:15

Harawekjanihawina wowagax‐hiperesra egi Pharisera, hipokrit raniwina, tejana washurujawianaga egi mara hosh’uwianaga proselitra hisha shunana‐shiwina egi jaja hisha shesga jijega, e nupaha hiraijera pejshishigra ninkjang harni wash’uwina ne hoshurujiswina.

Hogusra 41:37

Egi washan de‐e Pharaoh phi hiranaina egi ware warnira harnaj.

Hoixgara 2:4

Egi harnaj Naxirag Wakanjangra hoixjinena, egi hit’e hijahi hit’e hajiarairena, jagu hit’airekjera Naxiragra e hit’et’e wagigina.

Hoixgara 11:20

Egi hota Kiprus eja here hirena egi Kirene eja, e jaja Antiox‐eja hajiregi, hishge Hellenitra wawokit’airena, Hirukanara Jesus wawi‐hokhuinena.

Hoixgara 11:22

Egi worag de‐e wohokhu‐hojhira naxguinegi Jerusalem‐eja nankhi egi Barnabas regigirena Antiox‐eja hipa hikjege.

Hoixgara 11:26

Egi jaja hiegi Antiox‐eja harnikirina. Egi wauinena maisha eja stoirena hostora wakishu, egi wankshigra roha washa gigus‐hirena. Egi wironagra Kristianra wawigairena jegeja Antiox‐eja.

Hoixgara 11:27

Egi hambananka eja Jerusalem‐eja prophetra howajirena Antiox‐eja hajirena.

Hoixgara 22:20

Egi jaja martir hashinira Stephan higairera wa‐ira xura, nishge hija nashihajena egi d’era haiphianjena, egi d’ehinanka waini warninera wawiragikarana.