Hoixgara 6:12 - Winnebego Bible Portions 1907

¹² Egi wankshigra puruna‐wahirena egi xetera, egi wowagax hiperesra, egi hirahirena egi harukos‐hirena egi woehieja harniakirirena,

Hoixgara 6:12 Referans Kwoze

Hoixgara 14:2

Eshi Judra jarnaga inke harnaxgunira hirarujeja herera warapuru hirena egi khikhinubnanka warnai hirohire wogikanag warnagi‐inena.

Matthaiga 26:57

Egi Jesus harukos‐hirera nabhoruxaj hirukana hungra Kaiaphas eja harniahirena, hajinja wowagax‐hiperesra egi xetera hostonankhi eja.

Hoixgara 21:27

Egi jaja hamb hishagowira jowe harnaj herenagaja, Judra Asia‐eja howajiregi jaja Paulus wohokhu‐hojhixeteja hajairegi wankshigra harnaj warapuru‐hirena egi harukos‐hirena.

Hoixgara 17:13

Eshi jaja Judra Thessalonika‐eja herera naxguinegi, Berea‐eja Mau hoit’era Paulus wihokhunjegi shige hajirena egi wankshigra warupuru‐hirena.

Hoixgara 13:50

Eshi Judra hinug Mau nakewera egi gish’aghirera warapuru‐hirena egi jhinagananka eja wang washirukanara, egi Paulus egi Barnabas wawigishana nai‐wakirairena, egi mowagax sanigeja wowahas‐hirena.

Hoixgara 5:27

Egi jaja warniankiriregi waehinanka jowehireja washuirena, egi nabhoruxaj hirukana hungra wawigiwaxhirena,

Hoixgara 5:18

Egi Apostelra harukos‐hirawina egi jhiwornasse agieja hornassairawina.

Matthaiga 5:22

Eshi hinigawina: Higu peshe khinubra eja hapahi wogiteghi, woehieja hikjanena, egi higu peshe khinubra inke washanisha hereni higegi (sanhedrim) woehixeteja hikjanena, eshi higu peshe khinubra wanai wowong ranina higegi, pejshishigeja hikjanena.

Hoixgara 18:12

Egi jaja Gallion Axaia‐eja hirukanara heregi, Judra harnaj warnaira horeishankira hiranaga nashinena Paulus hakira, egi waehi waminageja harniahirena,

Lukga 20:1

Egi herena, wankshigra wohokhu‐hojhixeteja washa wagigusjega, egi worag phira wihokhunjera, hambnaka hisha eja nabhoruxaj hirukana hungra egi wowagax hiperesra hirahirena xetera wakishu.

Hoixgara 6:11

Egi wang hirushja‐wahirena e wairena: Hit’et’e naxguwina Moses egi Maura waraxjashgunina.