Hoixgara 3:1 - Winnebego Bible Portions 1907

¹ Egi Peter egi Johnga hakikishu wohokhu‐hojhixeteja howarairena gikaraj houna herege howagix hishankijushgunieja herena.

Hoixgara 3:1 Referans Kwoze

Hoixgara 10:3

E washanja wogisogjisha hajarna, hambregi ejaxji howagix hishanki‐jushguninegi hereguni, Maura waxopiniwarajire harnira hirajina egi wagena: Kornelius.

Hoixgara 4:13

Egi wajairena Peter egi Johnga winuankhuni wairera, egi wawiperes‐hirena inke wawagax‐hiperes‐hiranira egi inke wang‐washinperes‐hiranira, khorairena, egi wawiperes‐jinena Jesus hakishu u‐narnihera.

Lukga 1:10

Egi wankshigra hornihe xete jangeja Maura gikarajnankshana wotapana hijanegi.

Hoixgara 5:25

Egi hisha ji‐anaga egi wawogiragshana, wena: Horuxujwire wang jhiwornanassawira wohokhu‐hojhixeteja nashinankshana egi wankshigra washa wagigusnankshana.

Lukga 24:53

Egi hoishib wohokhu‐hojhixeteja unankshana, Maura rajank egi wainginab. Amen.

Hoixgara 8:14

Egi jaja Apostel Jerusalem‐ejananka naxguinegi Samariara Mau hoit’era rus‐hiregi, Peter egi John eja howarewagigirena.

Hoixgara 2:46

Egi hoishib wohokhu‐hojhixeteja unankshana wanaira hishankira hiu, egi waisgab rujhera jhira howewouinena, egi warujra wakuruj‐hirena wogishawa egi wanai‐wogisogji hiu,

Johnga 21:7

Esge wironag she‐e Jesus wogixetera Peter wagena: Hirukanara herejena. Simon Peter jaja naxgungi Hirukanara waunjegi, hoikishere wonashina hokawaxugshana, nanokajau herege esge, egi teja howairena.

Lukga 22:8

Egi Jesus Peter egi Johnga rewagigina, wawagena: Rawire, egi Pasxa (worujra) hingi‐korohowire, hiwaruijhawina.

Matthaiga 26:37

Egi Peter egi Sebedai hinigwahira nupiwi wakishurena, egi najgerategra rokanajirena egi warnaira mashja hirawasunsh‐shana.

Matthaiga 17:1

Egi hambra akewe‐hanaga hageja, Jesus Peter egi Jakob egi khinubra Johnga warussana, egi xe‐hankshi hihageja warnihina inekhi.

Hoixgara 10:30

Egi Kornelius wena: Hambra jopahana hantaginajnakshana howagix eegi hipa, egi howagix hishanki‐jushguni‐hainja hagikarajshana jhi wajhiregi egi horuxujre wangisha joweharegi nashinjena waini rukanakanap‐un.

Matthaiga 27:45

Egi howagix hirakewe‐hainja hokawas‐shana managre harnaj, howagix hishanki‐jushgunieja hipa.

Lukga 18:10

Wankshigra nupiwi wohokhu‐hojhixetera howarairena, Maura gikaraj. Hisha Phariseisha herena egi hijanejega Publikan hisha herena.

Hoixgara 3:3

E wajarna, Peter egi Johnga wohokhu‐hojhixeteja hokewe hikorohoiregaja, wawagitarna.

Hoixgara 3:4

Egi Peter egi Johnga hakishu horuxujwina, wagena: Hunuxujwire.