Hoixgara 27:1 - Winnebego Bible Portions 1907

¹ Egi jaja wajowe Italia‐eja wawatekjawi hirarawira, Paulus wogairena egi hornassaire hijanera hisge, hisha Julius higairera eja Augustus manape hornihe harnieja, manape hung hisha herena.

Hoixgara 27:1 Referans Kwoze

Hoixgara 25:25

Eshi jaja hiaperesra inke d’ehire phini waura, egi e Augustus eja woehira hawaxurujshana, eja howare‐hakjanena.

Hoixgara 25:12

Egi jaja Festus waehinanka wirokit’egi, horniharna: Woehira Kaiserga hashawa‐xuruijaneshe, Kaiser eorawasherekjaneshe.

Hoixgara 10:1

Kesarea‐eja wangisha jena, Kornelius higairera, e manape hungra herena, manape hornihe she‐e Italien higairena.

Hoixgara 27:11

Eshi manape hungra hirussawira egi waj harninanka hiraijera warnaxguna, washa jagu Paulus e‐ga hak‐kererena.

Hoixgara 18:2

Egi Judraisha eja hiena Akuilla rashra higairena, Pontus eja jhuinena hojishana Italia‐eja howajina, hijawina Priskilla higairera hakarakishu (Klaudius Judra harnaj Rome‐eja nigeowakere wa’shige esge) egi Paulus wirahina.

Hoixgara 28:16

Egi jaja Rome‐eja hahiwira, manape hungra harukoshirera wawogarna manape hung xeteja. Eshi Paulus injab jhi‐gigirena, manape hirakaranagra wakishu.

Hoixgara 27:43

Eshi manape hungra Paulus niambhi‐nainena, rushag wahirena jagu hirairega, egi u‐washirena jarnaga nimp ruxurugkhi jorni tejainja howahiarairekjege egi hak’ukhini hirekjege.

Hoixgara 27:6

Egi eja manape hungjega wajisha hiena Aleksandriaeja hereisha, Italia‐eja howarahegi egi eja hushuwina.

Hoixgara 24:23

Egi manape hung hisha Paulus hirakara’shina egi shgare ungigirena egi inke roxihiranina higu peshe wawikiperesra hirahianaga egi wagirekjegi unana.

Hoixgara 23:17

Egi Paulus manape hungra hisha gigorna egi wena: Wang‐hojinjin de‐e manape hung xeteja harnirare, washaisha hogiraikjanege esge.

Hoixgara 23:11

Egi hahe‐egi Hirukanara hikijahieja nashina, egi wena: Paulus, wanaishgunine, Jerusalem‐regi hunsharagke hishge hikisge Rome‐eja hunsharagki.

Hoixgara 22:26

Egi jaja manape hung‐jega she‐e naxgungi, ranaga egi manape hung xetera hogiragshana, wena: Hirakara une jagu sh’unkjanera, wang de‐e Roman hisha herena.

Hoixgara 21:32

E higuana manape russana egi manape hungra egi hija hornuwang‐hirena egi jaja manape hung xetera hajairegi egi manapera, Paulus hojira girushjainena.

Hoixgara 19:21

Egi washa de‐e rushjanaga hageja, Paulus naxirag harnira hikiwarenaina Makedonia egi Axaia‐eja hianaga, hagnigi Jerusalem‐eja howarekje. Wena, eja hahianaga hagnigi jasgegi Rome hishge wajakjanena.

Hoixgara 16:10

Egi washanjara hajarnaga hageja, higuana Makedonia‐eja howare‐naixjiwina. Hirukanara hiperes‐wangahi wangagigo waungaja hirairena woragphira hiwihokhunkjege.

Hoixgara 10:22

Egi wairena: Kornelius manape hung hisha herera, wang phisha egi Maura nakeweisha herera egi wankshig howajehi Judra harnaj raphinena, Maura eja howaji horus waxopiniwarajireisha hiu ushirena, harnigu hahuirarnaga eojhieja horakewekjege egi hoit’e nanixgunkjege.

Lukga 23:47

Egi jaja manape hungra jagu ura hajagi, Maura rajankshana, wena: Hisgexjingaja de‐e wang phisha heregaja.

Lukga 7:2

Egi manape hungisha ware‐arnigi e wogixetena, howasharna egi d’e‐ikorohorna.

Matthaiga 27:54

Egi jaja manape hungjega egi wakishu‐unjegi Jesus hirakara, mara hixgangi hajairena egi washa jagushana uinegi, naxirera rokana hirena, wairena: Hisgexji de‐e Maura Hinigra heregaja.

Hogusra 50:20

Ne washa hirohire hinagish’unkjawi waragawina, eshi Maura washophi howewina, eja howahi wankshigra roha niambshana, hereanaga hinjihuwina.

Hoixgara 28:1

Egi jaja niambhiregi wijnaka Melita higairera hipereshirena.