Hoixgara 23:1 - Winnebego Bible Portions 1907

¹ Egi Paulus waehinanka woruxujshana wena: Wangra egi hikhinubwira, wowewiphi hiu wankshig haianjena Maura jowehieja hamb‐tegi hipa.

Hoixgara 23:1 Referans Kwoze

Hoixgara 24:16

Egi jajanaga hoishib hiakijgajena wowewi phi hiu Maura jowehieja egi wankshignagre jowehireja.

Hoixgara 22:5

Deshesge nabhoruxaj hungra egi xetera harnaj hingairena, eja shige wawagaxra hotussana wakhinubra wagiuine egi Damaskus eja wawatena, jarnaga ejakhi rusgij Jerusalem‐regi warni‐hakirikjege howairekjege.

Hoixgara 23:6

Egi jaja Paulus hiperesgi hota Sadusera egi hijanenanka Pharisera waunankhi, mashja hit’et’ena woehieja, wangra egi hikhinubwira, Pharise harnina, Pharise hinighire harnina, woinashi de‐e hawau egi d’era hakiha wankshig‐hoinra hawau hiwesiwinena.

Hoixgara 22:30

Haininegi wogisogji hiperes‐roguna jagu hawau Judrananka washa hiraraj‐hiregi, wirusgijra girushgena, egi nabhoruxaj hirukana hungra egi waehi warninera harnaj jowehieja ji‐wa’shina, egi Paulus harnikirina egi jowehireja wagikerena.

Hoixgara 6:15

Egi woehieja minagananka harnaj horuxuj‐hinena egi hishjara hajairegi waxopiniwarajire hishja unguni hirewahina.

Hoixgara 22:1

Wankshigra, hikhinubwira egi hianj‐niwira harnaixguwine hakikox warnigekjanihawina.

Matthaiga 5:22

Eshi hinigawina: Higu peshe khinubra eja hapahi wogiteghi, woehieja hikjanena, egi higu peshe khinubra inke washanisha hereni higegi (sanhedrim) woehixeteja hikjanena, eshi higu peshe khinubra wanai wowong ranina higegi, pejshishigeja hikjanena.

Hoixgara 23:15

Esge ne, waehira wakishu, manape hung xetera hogiragwiaje, hainigi harnigarni jikjawina washara hiraijera wogisogji wessiwi rakikunkjawige, egi kheni hiwusunsh jini, d’ehakjanihawina.

Hoixgara 23:20

Egi wena: Judra warnaira hakishjeg‐hirena hainigi woehieja Paulus hashini rahikje rornigiguinena, washara hiraijera wogisogji wessiwi kikuinekjanege.

Hoixgara 23:28

Egi jaja hiae‐naira jaguisha hawau washinarajnankhi, woehi harnineja harniahina.