Hoixgara 22:1 - Winnebego Bible Portions 1907

¹ Wankshigra, hikhinubwira egi hianj‐niwira harnaixguwine hakikox warnigekjanihawina.

Hoixgara 22:1 Referans Kwoze

Hoixgara 7:2

Egi Stephan wena: Wangra hikhinubwira egi hianjniwira, harnaxguwine. Mau glorianagra hianj‐hihiwira Abraham janti‐gikhina, Mesopotamia eja uniharegi kheni Xaran eja jhini,

Hoixgara 28:17

Egi houna hambra daniha haixagaja Paulus Judra xetera stowahina, egi jaja stoiregi, wawagena: Wangra egi hinkhinubwira, wankshig hiwarniwira inke washinohirera hisha wagiuninunige inke shige hianj‐hiwahiwira woshga harninera, shesgarnunige hirukos‐hire Jerusalem‐eja wawajina Roman nab harnineja hunrushja rehirena.

Hoixgara 26:24

Egi kikarashigra deshesge egaja Festus mashja ena: Paulus warnaira nixawarnina, washinperesra hawinshrage wanaxiowongnina.

Hoixgara 25:16

Wawagena, Romannagre inke houna shegu hininankshana, wangra hisha d’ehi wagigininankshana, kheni washinaraj hirani washa wirarajnanka wakijaxji airanana egi jagu hiraraj hirakiranankhi kikarashig hikarat’et’e gigiranana.

Hoixgara 25:8

Paulus hikarat’et’ege, inke Judra woehi harninera, egi inke shige wohokhu‐hojhixetera egi inke shige Kaiser hakitarnina inke de‐e hisha hiaishananina.

Hoixgara 24:10

Egi jaja hirukanara Paulus nab‐girutabanaga hit’et’eshigi, horniharna: Hiniperessana ma‐rohaxji wankshig howajehi de‐e wawishurukanara, esge hiraijera wogishawaxji horniahakjanena.

Hoixgara 23:6

Egi jaja Paulus hiperesgi hota Sadusera egi hijanenanka Pharisera waunankhi, mashja hit’et’ena woehieja, wangra egi hikhinubwira, Pharise harnina, Pharise hinighire harnina, woinashi de‐e hawau egi d’era hakiha wankshig‐hoinra hawau hiwesiwinena.

Hoixgara 23:1

Egi Paulus waehinanka woruxujshana wena: Wangra egi hikhinubwira, wowewiphi hiu wankshig haianjena Maura jowehieja hamb‐tegi hipa.

Hoixgara 19:33

Egi woroha horogeja Aleksander harnihinab‐hirena, Judra joweja howaire‐hirena. Egi Aleksander nabra hikuanaga wigugussana egi wankshignanka wakarashig hikorohorna.

Hoixgara 13:26

Wangra egi hikhinubwira ninkjang Abraham su warnira egi higu peshe higia‐shanakhi Mau nakewera, wankshighoi horuxurug de‐e hurnigigi‐hirawina.

Lukga 21:14

Najge washiniwieja nihe‐wahiwiaje inke wewiwinianje jagu hishekjanihawigi.

Lukga 12:11

Egi jaja wohokhu‐hojhieja harniniahi rawigi egi woehieja egi washinukanainja, inke washinawinianje, jasgerakjanegi egi jagu worninagihakjanegi egi jagu hi’shekjanegi.