Hoixgara 21:8 - Winnebego Bible Portions 1907

⁸ Egi haininegi Paulus egi jarnaga wakishunanka wakishu hakarawina egi Kesarea‐eja hagiwina, egi Philip Ewangelist hisha herera hojhieja wakawawina, e wishagowina hisha herena egi hakishu hipushawina.

Hoixgara 21:8 Referans Kwoze

Hoixgara 6:5

Egi jagu airega worohanka harnaj giphina. Egi Stephan gijainena, wang harnaxgura egi Naxirag Wakanjang hoixjisha herena. Egi Philipga egi Proxoraga egi Nikanoraga, egi Timonaga egi Parmenaga egi Nikolaga proselit hisha jhinag Antiox‐eja hereisha.

Hoixgara 28:16

Egi jaja Rome‐eja hahiwira, manape hungra harukoshirera wawogarna manape hung xeteja. Eshi Paulus injab jhi‐gigirena, manape hirakaranagra wakishu.

Hoixgara 16:13

Egi Sabath hambregi jhinag jang nijejeja hahiwina, gikarajra eja hahireshunuge egi mianagwina, egi hinug hajirera wawakit’awina.

Hoixgara 16:10

Egi washanjara hajarnaga hageja, higuana Makedonia‐eja howare‐naixjiwina. Hirukanara hiperes‐wangahi wangagigo waungaja hirairena woragphira hiwihokhunkjege.

Hoixgara 9:30

Egi wakhinubra hiperes‐hiregi Kesarea eja harniahirena egi Tarsus eja howarehirena.

Hoixgara 28:11

Egi wi danihanegi waj Aleksandria eja howajisha homianag dawina, e wij‐eja hamanikhira egi e wijantira warejawa hija wagaxnashinena.

Hoixgara 27:1

Egi jaja wajowe Italia‐eja wawatekjawi hirarawira, Paulus wogairena egi hornassaire hijanera hisge, hisha Julius higairera eja Augustus manape hornihe harnieja, manape hung hisha herena.

Hoixgara 23:23

Egi manape hungra nupiwi gigorna wawagena: Manapera hogihinup wigikorohore Kesarea‐eja howarairekjena, egi shung‐haminagra kerepana‐shagowi, egi wangwosha harnira hogihinup, hahegi gijiwi hishankijushgunigi harairekjena.

Hoixgara 20:13

Egi joweja wajowe tawina egi Assos‐eja wajowe wawatawina, egi Paulus hijominaikjane hiarawina, shesge wawigege, mowe unkjanena (Assos‐eja hipa).

Hoixgara 20:6

Egi Philippi‐eja wajowe hakarawina waisgabduj winawohi rokani hamb hageja egi hambra sajahangaja wirakiriwina Troas‐eja, eja hambra shagowiha hipushawina.

Hoixgara 18:22

Egi jaja Kesarea‐eja unigi egi rarnaga wohokhuhojhira wikaragina Antiox‐eja howarena.

Hoixgara 16:16

Egi herena, gikaraj hahiwira, hinug warnihisha waxopinishishig harnine joweja washa horagisha, hakijawina, e hirukanara hakarani hajirena, washara rokana hiruxurug nankshana joweja washa horagjega.

Hoixgara 10:1

Kesarea‐eja wangisha jena, Kornelius higairera, e manape hungra herena, manape hornihe she‐e Italien higairena.

Hoixgara 21:16

Egi shige wironagra hota hinkishu harairawina Kesarea‐eja here, egi Mnason higairera Kiprus‐eja hereisha, wironag shag hisha herena, eja hinihahirawina, e hakishu hajhikjawige.