Hoixgara 21:16 - Winnebego Bible Portions 1907

¹⁶ Egi shige wironagra hota hinkishu harairawina Kesarea‐eja here, egi Mnason higairera Kiprus‐eja hereisha, wironag shag hisha herena, eja hinihahirawina, e hakishu hajhikjawige.

Hoixgara 21:16 Referans Kwoze

Hoixgara 21:8

Egi haininegi Paulus egi jarnaga wakishunanka wakishu hakarawina egi Kesarea‐eja hagiwina, egi Philip Ewangelist hisha herera hojhieja wakawawina, e wishagowina hisha herena egi hakishu hipushawina.

Hoixgara 15:39

Egi kikitagra rokana wairege khiruje‐hirena egi Barnabas Markus russana egi wajowe Kiprus‐eja howarena.

Hoixgara 11:19

Egi hoere hiranihera Stephan hawehirera she‐e hawau, Phoenike ejipa hikiwarera hahirena, egi Kiprus egi Antiox, hoit’era wihokhu hirena, Judrashana.

Hoixgara 10:48

Egi ni‐wawaxu wa’shina Hirukanara rash harnira hiu. Egi hambra jarnahangi hija hiwusha nangi‐ixji hirena.

Hoixgara 10:24

Egi haini hinupahainja Kesarea eja hokawairena. Egi Kornelius wapenakshana egi washawahira egi hiwusunsh hijakorowahira sto‐wakaragina.

Hoixgara 8:40

Eshi Philipga Asotus‐eja hierena, egi wahokhu haguna jhinagananka harnaj wouank’u Kesarea eja kirina.

Hoixgara 4:36

Egi Joses e Apostelra Barnabas higairena (warukhegra hinigra hige wairena), Lewit hisha herena, Kiprus mainja herena.

Hoixgara 15:7

Egi jaja kikitagra rokana wairegi Peter nashina egi wawagena: Wangra egi hikhinubwira, hirapereswina, sireja Maura horogregi wangaijawina, hirarujeja herera hoit’e woragphira naxguinekjanera i‐harninegi howahira egi harnaxguinena.