Hoixgara 13:6 - Winnebego Bible Portions 1907

⁶ Egi jaja wijnaka hahi haxebhiregi Paphos‐eja hahirena eja wang‐dosheweisha hierena, prophet woret’unk hisha, Jud‐hisha herena, rashra Barjesus higairena.

Hoixgara 13:6 Referans Kwoze

Matthaiga 7:15

Prophet woretungra hinakewe wakhiwianje, e jhasgaha hornashi hiranijirekjanihawina eshi rogra shunkjank wajexi waunagikjanena.

Markga 10:46

Egi Jerixo‐eja hahirena. Egi jaja Jerixo‐eja hihinabhiregi hironag warnira wakarakishu egi wankshigra worohaxji, egi Timaeus hinigra Bartimaeus hishjaraning nagu‐hoxete hijejeja minag‐nankshana jiokini.

Matthaiga 24:24

Egi Kristi woishjankera nashinekjanena egi prophet woishjankera nashinekjanena egi washa woijanti egi wowakanjak rokana jantihirekjanena, ruxurugphingishi gijainera waishjanke hiranana.

Matthaiga 16:17

Egi Jesus horniharna egi wagena: Wornigishawashanakshana Simon Jona hinigra, rora egi waira inke de‐e hiperes‐ninina, eshi Jajiga wangregi nagre.

Hoixgara 13:8

Eshi Elimas wang‐doshewira (rash harnira shesge higairena hiroragra) wakirajena, ma‐hirukanajega inke warnaxguni nangi‐i hornijena.

Hoixgara 13:13

Egi jaja Paulus egi wawokishgara Paphos‐eja waj hominag hiregi Perga‐eja hagirena Pamphilia mowagax‐eja. Egi Johnga wakirujena Jerusalem‐eja hakja howakerena.