Hoixgara 1:12 - Winnebego Bible Portions 1907

¹² Egi hakja Jerusalem‐eja howakarairena Oliw‐xera higairera eja howagi, Jerusalem‐eja howahira Sabath hoikiwareishana.

Hoixgara 1:12 Referans Kwoze

Lukga 24:52

Egi gikarajhirena egi Jerusalem‐eja howakarairena wogishawara rokana.

Matthaiga 21:1

Egi jaja Jerusalemra hiwusunsh hajiregi egi Bethphageeja hajirena Oliw‐xeja hina, egi Jesus hironag warnira nupiwi regigina.

Lukga 24:50

Egi Bethania‐eja hipa wakishu hina egi Jesus nab warnira waruana egi hopiowe warogiguna.

Johnga 11:18

Egi Bethanira Jerusalem hiwusunsh herena, ejaxji Stadia kerepanaishanaga‐saja‐hashanaguni (wigus nup).

Lukga 21:37

Egi hambregi wohokhu‐hojhixeteja washa wagigusjena, egi hahega hihinabjena, egi xe‐isha Oliw‐xera higairera eja hiwushajena.

Matthaiga 26:30

Egi jaja nawa rashjainegi, Oliw‐xeja howarairena.

Matthaiga 24:3

Egi Oliw‐xe hihageja minaganaku wironagra hirahirena inekhi, wairena: Hungiragwire washa de‐e jajanagi herekjanegishi? Egi rajikjanegi jaguisha wijantinkjanegi egi moshejara herekjanegishi?

Lukga 19:29

Egi herena, jaja Bethphage egi Bethania hiwusunsh jigi Oliw xeisha higairegi, eja hironag warnira nupiwi regigina,

Matthaiga 24:20

Eshi gikarajwige hogias hashiniwira inke maninegi herenikjena egi inke shige Sabath‐hambeja.